Dated Aizawl, the 11th March 2025
4th Session Of The Ninth Assembly Session neih mek ah Pu Lalnghinglova Hmar, Minister Of State, Excise Department changtu Bill put luh The Mizoram Liquor ( Prohibition) Amendment Bill, 2025 passed a ni hi ZPM Thalai chuan lawmawm an ti hle tih an thuchhuah siamah an tarlanga ni.
ZPM Thalai HQRS chuan, “The Mizoram Liquor ( Prohibition) Amendment Bill, 2025 hi Kuthnathawktu te tan Bill tha tak leh lawmna tur niin a ngai a, Kuthnathawktu te thlai leh thei thar chhuah te hlawk zawk leh man man zawka an hralh theina tur Bill pawimawh tak pu luttu Pu Lalnghinglova Hmar, Minister of State, Excise & Narcotics Dept. pawh ZPM Thalai chuan a chhuang hle a ni.
“He Bill hi Opposition Party ten “Zu zawrhna tur Bill” tia mipui hruaikawi an tum mek chu ZPM Thalai chuan pawi a ti a. Kuthnathawktu ten leirem an rah theih nana Dan pawimawh tak, Dan ṭha tak hnuaia Mizoram thar chhuah Fruit Beer leh Wine te hralh chhuah a nih theihna tur bakah, State pawn lam Zu, Beer, Wine leh Mizoram chhunga Zu ṭhalo tak tak te khuahkhirhna tur a nih avangin he dan siamṭhat tak hi Mizoram khua leh tuite tan a pawimawh hle a ni.
“Mizoram tharchhuah- Sawhthing, Balhla, Dragon Fruit, Sap thei, Lakhuihthei, Sunhlu, Kawlthei, Theiherawt, Fu leh a dangte hmanga Fruit Beer siam te chu dan mumal tak hnuaia Kut hnathawktu ten an hralh theina tur leh hlawk zawka an thlai tharte antihral theihna tur kawng a in hawng ta hi ZPM Thalai chuan Kuthnawthawktute a lawmpui hle a ni,” an ti bawk.
