MNF Thalai chuan, “Nikum 2023 a ZPM Gen Hqrs Thalai Vice President Pu Zoramchhana Sailo hminga Reiek khuaa Tourism projects kalpui dana thil diklo leh hnathawh kimlo awm anga Lok Ayukta a FIR an thehluh chu Lok Ayukta thupek angin ACB in an chhuichiang a. An thil hmuhdan kimchang pawh Lok Ayukta ah an thehlut. ACB lam hian diklo an hmulo niin an report-ah leh Lok Ayukta Hearing naah tarlan a ni,” an ti.
MNYF chuan, “Tunhnaia Lok Ayukta in Hearing a kohah tel ngei tura hriattir a ni chungin Hektu Pu Zoramchhana Sailo ZPM Thalai hruaitu hi a inlan ve lova, mahse Lok Ayukta thutlukna siama an ziak danin a hekna chu a diklo tih a pawm niin tarlan a ni. Lok Ayukta in dik taka rorela he inhekna hi thu tlinglo ani tih leh he project kalpui danah hian thil diklo a awmlo a ni tih tichianga a case an titawp(closed) ta hi a kawmawm kan ti a,dikna a dingchang leh ta a ni.
“He inchhuina atang hian MNF sorkar hunlaia Mizoram Tourism Deptt lo thawhthatzia alang chhuak a, khatih laia Tourism Minister Pu Robert Romawia Royte MLA & MNYF a kan President nilaite,Tourism Deptt thawktute leh Contractor te an fakawm kan ti a. He project hi Reiek khuain rampum huap chawimawina sang Best Tourism Village Award 2023 a dawnna atana thawhhlawk tak a ni tih kan hriatin ropui kan ti hle a ni.
“ZPM Thalaiten dawt hmanga MNF sorkar leh khatih laia Tourism Minister tihmialpho tuma an hekna diklohzia Lok Ayukta in a tilang ta hi lawmawm kan ti a,MNF hunlaia Tourism Deptt leh he hna atana Contractor te thawhthat zia lo lang chhuak hi chhuanawm kan ti hle a ni,” an ti bawk.