ZPM Party Thalai chuan thuchhuah siamin, “Congress sawrkâr laia Ministry of Doner atanga sum lokal, sawrkâr hnathawkte hnena computer training pêkna turah hming lem mi 1,300 zet training hmu chhuah niin, heng hming
lem training-na senso hi Rs. nuai 113.92 zet a chingpen a ni; he thil dik lo tak titu-te chungah action lâk a nih theih nan ZPM Thalai chuan April 5, 2022 khan Lok
Atukta-ah F.I.R kan lo thehlût tawh a, congress sawrkâr hnuaia eirukna lian tham takah hian a mawhlatute an
insawifiah zawh loh avângin a chhui hna
thawk turin Lok Ayukta chuan ni 17.8.2022 khan ACB a ruat a ni.
“Congress rorel laia sawrkâr hnathawk
hming lem mi 1,300 zet hmanga cheng nuai 113.92 eirukna hian, congress party chu ruling an nih laia sulhnu pawr tak nei a sapatàl thin, opposition-a an awm apianga piangthar dera mipuite hnena ngaihdam dîl leh chiam thin an nih zia a pholang chiang hle a, congress party hnena sawrkârna pêk chu vawkpui kawr
hak tir nen thuhmun rengah mipuite’n an
ngaih avângin mipuite’n congress party-ah rinna an nghat ngam tawh lo a, congress party chu opposition-a an awm
hian that loh theih lohna bawmah an awm a nimai tih hi Mizoram
mipuite ngaihdan a ni,” tiin an tarlang a ni.