Vawiin ni 8th Febuary 2025 khan ZPM Thalai Hqrts buatsaihin Mamit East Block huam chhunga khaw hrang hrang heng; Lengpui, Lengte, Hmunpui, Nghalchawm, Dapchhuah, W.Serzawl, Rawpuichhip leh Nghalchawmah te Village Coucil Election Campaing & Rally neih a ni a. He hunah hian ZPM Thalai Headquaters atangin, Pu Zoramchhana Sailo, Vice President, Pu Rokhuma.(Vice President ZPM Thalai) leh Pu R.Lalmalsawma, Treasurer te’n thusawina hun an nei a ni.
He huna thusawitu, Pu Zoramchhana Sailo ZPM Thalai Headquarters Vice President chuan, “Veng chhung roreltu kan thlang dawn a ni a, mipuite’n kan mamawh chu Khawtlang hmasawnna hna thawk thei tur a ni. Lal atan kan thlang dawn lo a, hnathawh kawr ha a, khawtlâng aiawhtu Nu leh Pa atan kan thlang dawn a ni. Dikna leh Rinawmna nena khawtlâng rawngbawl turin ZPM VC te lo thlang tling vek turin ka sawm a che u a ni,” a ti.
Pu Rokhuma Vice President ZPM Thalai Headquaters pawn thu sawiin, “ZPM Mipui Sorkar chuan theih tawp chhuahin ram enkawl hna a thawk mek a. Ram leh mipui tana tha turah chuan huai takin a kal zel dawn a ni. Opposition Party-te pawh Opposition tha tak ni turin ka duh a, Thudik tawk lo, thudik hrûl, thu belhchian dawllo hmanga mipui bum hi sim tawh turin ka chah duh a ni, kan ram mipuite hi ZPM Sorkar chuan kan Policy hmangin khaichhuah kan tum mek a ni,” a ti bawk.
Thusawitu dang ZPM Thalai Headquarters Treasurer Pu R.Lalmalsawma chuan, “Hausak ringawt duhtu te’n mipui thawh khâwm sum rawk thei tûra kan ram rorêlna an luah hi a rem tawh lo. Chutiang mi chuan mipui sum an rawk hian keini a thawhtute min rawk a ni. Chuvângin, sawrkar tha leh dik taka rorelna kalpui tum ZPM Sorkar kan nei tawh a, Dikna leh Felna hmanga kan thurualpui theih tur ZPM VC kan thlan tlin angai a ni,” a ti bawk.
