MNF Thalai chuan thuchhuah siamin, “ZPM Sorkar kal danah thil fello leh dan bawhchhiatna a tam em em a. Mipui leh High Court hmaah pawh an mualpho mek zel a nih hi. Central Sorkar schemes hrang hrang te, SASCI Loan a puk dan leh hman dan te pawh kan zirchiangin kan chhui mek zel a. An sorkar phat atangin “chhuanmang rorel plolicy” an kalpui a. Sorkar hmasa sum hmuhchhuah sa leh sanction sa an pawngsual a, SASCI sum Rs 23331 lakhs tih lapse te kha Mizoram Sum Lapse Tam Record a ni. He thil pawi tak a thlen chhan hi sorkarin Officials te zai ngai lova phuahchawp taka ‘arkhawthim dai style’ a sorkar a kalpui vang a ni,” an ti.
MNYF chuan, “ZPM Sorkar hian Sorkar hnathawkte kalphung pangngai pelin an nawrlui fo va. MNF sorkarin Rs 15,000 lakhs SEDP atana a dahfel thlap, Finance Deptt pawhin SEDP enkawltu Planning Deptt a a pek thlap tawh pawh Official – te mak tih khawpin thil dangah a ‘divert’ luih tir duh te kha a tenawm hle a ni.
“Mizoram Sorkarin a taka hnathawh nana a la hman loh sum leh Physical Progress awm lo/mil lova Utilisation Certificates (UC) sign tir tuma Officials te nawr luih tum na a awm mek niin kan hria a. MNYF chuan hei hi kan ngai serious tak zet a. Sorkar Officials te pawh UC dik lo chu sign lo ngam turin kan ngen vek a, hemi chungchangah hian a tul danin Officials te kan chhanin kan veng ngam tih kan puang chhuak duh a ni,” an ti bawk.
