Lai District Congress Committee (LDCC) chuan thuchhuah siamin, “ZPM sorkar chuan ni 100 em pawh sorkarna an chelh hmain MLA Campaign laia Minority/ADC te duh sak leh hmangaih em em tur anga insawi kha an ni a. Mak tak leh rin loh takin DC&MA lehkha No.A.60011/1/2019-DC&MA: Dated 7th February, 2021 a an tar lan danin leh ADC te lehkha an pek danin chhim lama Autonomous District Council pathum; Lai, Mara leh Chakma ADC te chu an hnuaia thawkte a nghet leh nghet lo mai bakah aikal te thlenga list submit tura an tita mai hi Sixth Schedule palzutna leh Minority te zahlohna leh hmusitna lian tak a niin Lai District Congress Committee chuan a hria a ni.
“Mizotawng upa in ‘Lal ngailo an lal a na, an lal a kha’ an lo tih ang chiah chiah kha ADC mipuite lakah rawn lan tir tanin, an party ze dik tak an rawn ti lang niin a lang a. Hetiang taka kan Autonomous District Council te India Constitution in min pek thu neihna pawh min zah sak lo tu ZPM sorkar hi in enfiah sela, direct funding ADC ten kan neih theihna tura central sorkara recommend tur anga insawi Mizoram Chief Minister leh a party hian Central sorkar Home Ministry hnenah a rang lama min ziah sak turin kan phutin kan ngen takzet a ni.
“Tin, sorkar kalphungah DC&MA Under Secretary te hi ADC a Executive Secretary aia hniam an ni a, hetiang hian an aia sang zawk officer te hi Governor phalna leh rem tihna tel lo chuan vawikhat mah lehkha pawh rawn siam tawh lo turin leh instruction rawn pe tawh ngailo turin kan ngenin kan hriattir nghal a, DC&MA Under Secretary hian Autonomous District Council te hnenah hian ngaihdam a dil ngei hi kan phut tlat ani. Tin Lai, Mara leh Chakma ADC te pawhin he lehkha hi ngaihdan tawk thiam turin leh a tul anga action la turin kan chah nghal bawk ani e,” tiin an tarlang.
