Vawiin November 14, 2024 (Thawhlehni) hian Aizawl South II Block Congress Committee chuan hruaitu thar inhmelhriat tawnna hun an hmang a, Dr. Lalmalsawma Nghaka Treasurer, Mizoram Congress-in a hmanpui.
He Congress hruaitu inhmelhriat tawnna hunah hian MPCC Treasurer, Dr. Mala chuan, βZoram dung leh vang ka fang mek a, ZPM-a rinna nghat te an hnual ngawih ngawih hmel ka hmu zel. Ration buhfai lakna tur tuaka rum ngawih ngawih hmel ka hmuhte hian hreawm ka ti. Mipui mimirin kawl eng an hmuh theih nan Congress hi a sorkar leh a ngai a, inpe lehzual turin Congress hruaitute ka sawm che u a ni.
βZPM hi sum enkawlna lamah a hlawhchham tan der tih a lang. Kan Chief Minister zahawm tak Pu Lalduhoma, Bhavan ka lilam ang titu hian Zoram hi a hralh hreh lovang tih a langchiang ta hle, ram rotling hralh an tum thawm hi a ring hle a nih hi! Sawrkar hmasa zawk ten felfai tak leh ZPM rawn sawrkar hma thlenga an enkawl theihte kha, kan sawrkar hian phurrit a ni tiin, vai sumdawng hausa te hnenah hlan an tum thawm chi hrang hrang a ri nasa ta hle.
βTunah rih chuan ZPM sawrkar leh an hotute hi thubelh chian dawl tawk lo sawi chhuah zung zungah chiah hma an la chak emaw tih tur a ni. Kan state-a Chief Secretary ruat dan tur chungchangah te, Central Sawrkarin Mizoram sawrkar duh dan a ngaihpawh loh zia te a rawn lang chho zel a, MNF sawrkar kalta ang bawkin inthlan dawn khan tute emaw sum chakna hmang ve tho an nih vang a ni mahna, sawrkarin a duh ang te Central BJP sawkar hian a ngaihpawh lo hle a ni.
“Mizoramah Congress a sorkar hian mipui hi an thla a muang dup thin. Remna leh muanna hi Congress siam zel a ni a, vawiina ZPM a sorkar nachhan hi hun duhawm lo atan Pathianin a dah a ni. Congress hian remna leh muanna nen ro kan rel leh dawn a, ram hmasawn nana theih tawp chhuah turin ruahmanna thar nen hma kan la mek a ni.
βCongress sorkar laiin kan hotuten an in tiam angin chhungkaw 140736 hnenah NLUP hmangin an dinhmun chawikanna turin tanpuina pek an ni a. BANA KAIH Policy hmangin ZPM Sawrkar hian Mizoram chhungkaw engzat dinhmun ngei a chawi kan ve dawn tih hi kan thlir reng a ni. MNF sawrkarin an intiamna an ti hlawhtling thei lova, SEDP ah an intiam zat an pe thei lo ang khan ZPM Sawrkar hian mipuite a ti beidawng leh ang tih a hlauhawm hle.
“Congress Party hi mi harsa zawkte chawi kan ngai pawimawh party, kut hnathawktute dikna chanvo humhim thin party, hmeichhiate dinhmun chawikang thin leh Thalaite hmakhua ngaitu party kan ni tih hre chungin Congress hruaitute hi dik ila, taima ila, Pathian hre reng chungin kal ila. VC/LC inthlan lo awm turah pawh hian Congress tan kawl a eng a, kan chak ngei theih nan theih tawp I chhuah ang u,” a ti bawk.
He inhmelhriat tawnna inkhawm hi Block President Pu Lalduhawmaβn a kaihruai a, Block hruaitutte leh Unit hruaitute an kal tha hle a. Headquarters hotuten an tawiawm bawk a ni.
