Zo Re-Unification Organisation (ZORO) General Headquarters chuan thuchhuah siamin, “Phuldungsei ram chhunga Tripura Sorkar-in hna a thawh chungchang ngaihtuahin tha a ti lo hle a. Chu mi chungchanga District Magistrate, Mamit District-in 16th April, 2025-a thu a chhuah vat leh hnathawh chawh san a ni ta chu ZORO chuan lawmawm a ti a. Mizoram area chhung-ah Tripura Sorkar hian hma rawn la tawh lo sela, Mizoram sorkar pawhin a ram chhung a nihna ang taka hum halh tlat turin ZORO chuan thuneitute a ngen a ni,” an ti.
Thuchhuahah chuan, “Border area a nih anga tha zawka humhalh a nih theih na turin hmasawnna ruhrel Infrastructure Developement nasa zawka kal pui tur leh Kawnpui IR Battalion te pawh ti lian a, thuam chak turin ZORO chuan Mizoram Sorkar chu a ngen a, Zampui Phuldungsei VC chhungah MBSE hnuaia HSLC pass theihna chin tal zirna school dah tur leh Health Sub-Center tha tak dah sak turin a ngen bawk.
“Tin, Zampui Mizo te hi Indigenous Peoples (a ram leilung neitu, tualto hnam) an nih angin State pahnih ten helai hmun Border area a hmalakna an nei dawn a nih chuan helai hmuna cheng Zampui Mizo te rawn chung leh an hriatpuina nena hma la thin turin ZORO chuan Mizoram State Sorkar leh Tripura State Sorkar-te chu a ngen nghal bawk,” tiin an tarlang a ni.
