Vawiin 11th November 2022(zirtawpni) chhun dar 12:00 khan ZORO General Headquarters, Aizawl chuan ZORO chhungkua a Dactorate Degree nei thar te chawimawina hun an nei a, chawimawina hun hi R. Sangkawia, ZORO President in a kaihruai a, Moses Lalramchhana, vice President in hunserh a hmang a, Rohmingthanga Colney, Vice President in fuihna thuchah a sawi bawk.
He huna thusawitu Rohmingthanga Colney, Vice President chuan, “Vawiina ZORO in mithiam bik Dactorate degree nei thar kan nei hi kan lawm hle a, vawiina dactorate degree nei thar te hian ZORO min chawimawi hle a ni. Kan ram leh hnam chhan tur hian keini lo chu tumah an awm bik lo a, kan ram kalphung hi ngun taka kan ngaihtuah a ngai a, tun ang mai mai kan kal chuan kan ram hi a chhe dawn hle a ni. Pathian atang chuan ang khat vek kan ni a, tumah zah tur bik an awm chuang lo a, Pathian in min awmpui anga Zoram hi kan din thar leh dawn a ni.” a ti
ZORO chhungkua dactorate chawimawite chu:
1. Dr. Vanlalremruata Tonson, General Secretay
2. Dr. Khiangte Zodingliani, Secretary
3. Dr. Keihawla Sailo, Ex-Vice President
Chawimawi te hi chawimawina thuziak hlan an ni.
