Vawiin ni 28th.January.2025 (thawhlehni) khan Mizo Students’ Union General Headquaters hruaitute chuan Mizoram Chief Minister Pu Lalduhoma chu a Pisa ah an hmu.
MSU hruaitute chuan Chief Minister hnenah hian kumin sikul hawn hun a pelh tawh hnu thlenga mahni hnathawhna hmuna awm ṭha duhlo zirtirtu report an dawn chungchang te, Mizoram hmun hrang hrang zirna ina zirtirtu sem rual a tul thu te, zirna in engemawzat chu thawm that a pawimawh tawh takzet thu te an thlen a.
Mizo zirlaiten hma an sawn zel theih nan leh harsatna nei lova zirna an kalpui theihnan chak zawka hma lakpui turin MSU hruaitute chuan Chief Minister hi an ngen a ni.
Tin, MSU chuan Zirtirtu an awmna hmuna awm ṭha duhlo te dapchhuah hna a thawk mek zel a, zirtirtu hetiang lo awm an awm chuan hremna dan anga an chunga lekkawh anih hma ngeia lo insiamrem turin MSU chuan a hraittir a. Mizo mipuite pawh mahni khua theuhah hetiang zirtirtu lo hria kan awm anih chuan MSU General Headquarters hruaitute hnenah hrilhhre turin kan inngen a ni.
