Tu kut tuar in nge hriat loh ruihhlo zuar nia rinhleh chu vawiin chawhnu dar 2 : 57 vel khan Civil Hospital Aizawlah a boral.
Lalnunzira (50), Lawipu veng, Aizawl chu ruihhlo zuar nia rinhleh avangin zirtawpni kalta khan Central YMA hnuaia ruihhlo dotu pawl chuan manin, inrinni khan Excise kutah an hlan a, Excise lam hian Central Jail ah dah lutin , Central Jail atang hian Civil Hospital Aizawlah admit leh a ni a, a taksaah vuak dukna hnuhma engemaw zat a awm a, vawiin khan a hliam tuar lovin a boral ta a ni.
He thihna thleng chungchang ah hian pu Lalnunzira chhungte chuan Aizawl PS ah FIR an theh lut nghal niin DND chuan thu kan dawng a . Pu Lalnunzira hian a nupui leh a fate 3 a kalsan a ni.
