February ni 12, 2025 (Nilaini)-a Village Council leh Local Council inthlan vote thlak tan anih tawh avangin, political party ten theihtawp chhuahin vote an zawng zui zel a, campaign pawhin a vawrtawp a thleng chho tan a, Karleh Thawhtanni tlai thlengin campaign hun hawn a ni ang.
Tarlan tawh angin, he inthlan neih turah hian, Party hrang hranga Village Council Election a candidate zawng zawng zat hi 6830 an ni a. General seat ah 5258, reserve seat ah 1674 a vaiin 6932 a ni a, candidate inhnukdawk 102 an awm a ni.
Local council Lunglei Municipal Council leh Aizawl Municipal Corporation ah hian candidate 2076 an awm a. Local Council Aizawl Municipal Corporation ah candidate 1659 awmin, general 1211 leh reserve 448 an awm a. Local council Lunglei Municipal Corporation ah candidate 417 awmin, general 309 leh reserve seat ah 108 an awm bawk a ni.
ZPM Election Commitee Chairman leh ZPM General Hqts Vice President Pu VL Zaithanzama, chuan ZPM candidate general leh reserve seat ah 2371 an neih thu a sawi a. Vawiin thlengin an party ZPM ah chuh lohva tlinga puan candidate 29 awmin, heng 29 zingah hian general 17 leh reserve 12 an awm a ni.
Heng bakah hian party dang chuhlohva tlinga puan an awm bawk a, MNF atangin candidate 5, INC atangin candidate 4 leh independent candidate atangin 2 an awm a, chuhtu awm lova tlinga puan zat hi an vaiin 40 an ni.
