ZPM Working President Pu K. Sapdanga chuan thusawiin, MPF duh dan hi kan party duh dan a ni” a ti a. Inthlanna sum senso a tlem thei ang ber inthlanna thianghlim leh felfai a awm theihna turin hmalakna thar kan neih zel a ngai a ni” a ti. MPF hruaitute pawhin thusawiin, Political Party hrang hrang ten kan ram hi in hmangaih hle a ngai a. Kan ram siam tha tur hian Sawrkar, NGO leh Kohhrante kan zavaia kan thawhho a ngai a ni, an ti a. Thuthlung bawhchhia-a, in puan mualpho ngai lo leh theihtawp chhuah turin kan in ngen a ni” an ti bawk. MPF hruaitute hi Pu K.Sapdanga, Working President, Pu PC Vanlalruata, Secretary General leh Tuirial By Election Campaign Committee Chairman Dr.Kenneth Chawngliana bakah hruaitu dang ten an lo dawngsawng a ni.