Vawiin ni 20 March, 2023 Thawhtanni hian Mizo Hnam Runah chhung inkhawmna neih a ni a, Aizawl East -II huam chhung Chhinga Veng atangin Pi Zoramnghaki Vice President, Zonu ZPM Unit Chhinga Veng, Pu Chhingpuii President, Mahila Unit Chhinga Veng leh Pi Lalrinsangi Mahila Secretary, Chhinga Veng te chu Sport minister Robert Romawia Royte MNF party ah alawmlut a ni.
Robert Romawia Royte chuan thusawiin, MNF hi Pathian in mizo hnam te min suihkhawmna atan a din, tun hma leh vawiin thleng hian a nep ngailo a, tunhma chuan Mizo tlangval MNF a awm lo kha chu thil zahthlak a ni zawk a mah a ni.Hun lokal zelin tunah phei chuan inthlanna hrang hrangah thuneihna neiin Pathian malsawmna tawngbaw thei khawpin kan hotute an taima a, an thawhrimna te kan zah em em a ni, a ti.
Pu RRR-a chuan hmun hrang hranga MNF zawmtu an tamna chhan chu, Pu Zoramthanga leh asangawi zawnpuite tih tak takna leh inlungrual vang a ni a, party thenkhat chu inlungrualna an tlachham em em a, an party chhungah pawh pawl pawl an awm zel a, Candidate puan hnuah phei chuan lawmluh tur hi kan nei nualin a rinawm, a ti.
MNF Adviser chuan, MNF a akul ataia lo awm tawh, sum leh therhlo vang a MNF chhuahsan tute hi mi hlawhtling sang tumah chhuan tur an awm lo a, MNF chhuahsan hi chu zuihralna a ni. Kan hotute sawichhia a ziak meuh a chhuahtute hi an lainatawm em em a, hetiang mi hnam movement phatsantute hi khawvelin miropuiah ah angai ngailo a ni, a ti a. MNF hi asan poh leh min chhemtu thli hi a na zel dawn a mahse, Pathian hminglam chunga din party hi adanglam dawn lo a, Idealogy leh Issue base-a din a ni ve lo a ni, a ti.
Pu RRR-a chuan Opposition party Congress leh ZPM party chungchang sawiin, thatloh theihlohna bawm te an han sawi vul chuka mahse, areh leh daih a, an halral leh taw em ni?a ti a. Pension scheme chunchang an rawn sawi ve pawh sawi zui chi ah an ngai lo, a ti. ZPM chu hre bik leh fel bik politics an khel a, tha bik, super bik intihna hi Mizo mipuite rilrem zawng a ni lo a, engkima hre vek bik politics hi kan mamawh lo a, kan mamawh chu kan ram tana hmsawnna thawk thei, mi hmusit leh diriam chung pawh a theihtawp chhuahtute hi an ni. Theihtawp kan chhuah hmel hi thalaite hmuh chak deuh chu a ni a, theihtawp chhuah tute hi chu min support em em a ni, a ti.
Pu RRR-a chuan assembly session kan zo chiah a ni a, thudik hrulah Phullem phah chungchang nen lam min bei a, Pu Robert-a an bei emaw MNF bei emaw an intia, an beih zawk chu thalai, sport infrastructure mamawh tak taka tuihal ho te kha an beih a ni zawk a ni a, rilru na tak tak messege min rawn thawntu an awm teuh a ni, a ti. Pu RRR-a chuan keichu min bei rawh u, sport erawh chu bei suh u, ka tih ang kha, sport in sawisel hian sport lam a tui mite rilru a na thin a ni, a ti.
ZPM chu tiau chunga ui bawk an sawi ang deuhin an tal nat deuh apiangin an hniam sawt sawt zel a ni, a ti. Kum li leh tlem kan Pu Zoramthanga kaihhruai sawrkar hian thil tam tak kan ti tawh a, Bru refugee te kha sawrkar hmasa hunlai atang khan camp-ah an awm tawp mai a, tihdan dang vak pawh an hre lo. MNF kan han sawrkar ve ta a, an pi leh pute Tripura a awm hlen turin ngaihtuahna an seng ta a, chutah chuan kan CM hian hmalak hun a hailo a, smart takin a dawr a, bru singthum chuang chu Tripura a awm hlen turin anmahni duhdan ngeiin Central sorkar,Teipura Sorkar,Mizoram Sorkar leh Bru unauten Inremna an ziak ta anih kha.Hetiang ang MNF ministry-in a tifel hi Mizoram history-ah thil liantham chhinchhiah tlak tak ani, a ti. An pi leh pute hmuna ngelnghet taka an awm thei tur hi kan lawmpui em em a ni, anmahni pawh an lawmin ka hria a ti.
Ramri alo buai a kan CM dawhtheihna te kan hmu a, kan police-te kan hmang tangkai dante ngaihtuah ila, kan police te ramri humhalh turin an huaisen tawk a ni, tih pawh kan hria. Congress hunlaia Civil leh Police an inhmachhawn in thil afel ngailo. Tutenge ramri chungchangah hmala tha zawk tih te hi khaikhin sela mipuiin an hre mai ang, a ti. Kan unau raltlante sahim nan, India dan dinglai pawh pawi sa theiloin kan lo enkawl a, khawvelin min fak a, kan NGO leh Kohhran hruaitute pawh khawvelin an fak a ni, a ti.
MNF Adviser chuan, Mizo history lo ding tawh ah tuna sawrkar hi manifesto tihlawhtling hnem sawrkar a ni a, kum 2022 leh 2023 hi Mizoram a sum hman tamna ber kum, hmasawnna hnathawh nasat ber kum atling a, development-ah hma kan sawn nasa em em a, Pu Zoramthanga sawrkar hi sawrkar hmasawn duh leh hmasawnna thawk nasa ber sawrkar a ni a. SASCI atang pawhin cheng nuai singngain kumtharah hian hma kan la dawn a, allocation awmsa vek tawh a ni.CSS leh deptt sum atang te in hma kan la dawn a, Mipui tan kawl ala eng zel dawn a, hmasawnna hna thawk nasa ber kan ni dawn a ni, a ti.
Information & Technology minister chuan, ICT ah hian sum a tlem em em a, nuai 500 lek ani a, hmasawnna atan kan hman mek chu cheng nuai 7600 a ni a, Tourism dept.ah hian nuai 1000 budgeta ni a, chuti chung chuan cheng nuai sing khat leh sangkhat chuang state share ngai miah loin kan hmu tawh bawk ani, a ti. Oppostion party in tuilak nan te, kawng siamnan hman mai awm an ti a, mahse central sum hi duh duh na a hman ngawt theih a ni lo a ni, tih hi lo hre tawh rawh se, a ti bawk.
Pu Robert-a chuan CM in a duhsak bik tih hi a ri ring leh thin a, project reng reng chu khulam rel a ni a, min petu chu central a ni a, CM hian min duhsak veka,portfolio kan chan dan atang hian chhut ila Pu RRR-a hi a duhsak bik em, tih lo zirchiang ula,Annual Plan leh NABARD-ah hian CM hian ka dept.hi min duhsak em tih te lo chhut ula, kan CM hian min duhsak bik loh zia in hre thei mai in ka ring tiin min duhsak vek a ni a ti.
MNF Adviser chuan Lunglei Municipal Council chungchang sawiin, kan tan tlin angai a Lunglei mipuite hi mi changknag tak tak an ni a, tunhma atang a mi bik te lo chhuahna khawpui a ni a, Urban city(India rama) rorelna hmubnpui ni ve turin kan sawrkarin aduh a, harsatna tam tak karah Lunglei municipal saw MNF sawrkar in a pe a. Lunglei Municipal veitu leh paitu leh hringtu chu MNF sawrkar a ni a. Municipal Council lo piang tur hi apaitu leh hringtu lo kutah lo dah lo turin ka chah a, Lunglei khawpui than zelnan, state sawrkar nena thawk dun thei tur Central lam NDA sawrkar thlenga hnute tui pe thei tur kutah Lunglei mipuite hian an dah ka duh a, zawmpui peng aneih angai a, chung zawng zawng tihsak thei tu tur MNF Candidate te thlangtling sela, ka duh hle a, Lunglei thalaiten thil tithei tur kan thlan chhuah angai a, keima dept.atang pawhin Lunglei ah hian nuai singnga chuang kan hmang tawha, chuvang chuan nachang hre tak khawpui an ni. MNF hi khawngaih tlak, tan tlak a ni, khawngaih taka MNF Candidate te lo vote vek turin Lunglei mipuite ka ngen a ni, a ti. Autonomous District Council changtu ka nih ang pawhin danglamna hi ADC chhungah pawh hian kan thlen dawn a ni, a ti bawk.
MNF Adviser chuan, ZPM hoin Assembly House zahawm tak a, Assembly Procedure te en hnu a ngaihdam dil ngai a awm avangin ngaihdam a dil a, inngeih takin kan inchibai a, thlate kan la ho a, nimahsela, ahnuah beihna chi hrang hranga min bei leh in, office of profit chungchangah tunhnaiah min bei leh a, vawikhat ngaihdam dil hian nghawng angah mang e aw, ka ti a. Hmanah Prism lamin min hek tawh a, kohhran thawhlawm thawh thlengin min bei a, mahse malsawmna ka dawn anih avangin Pathian thu leh Police lam thu ka awi avangin thudik chu arawn lang leh mai a ni, a ti bawk.
