Dt. 8th Jan. 2024 (Thawhtanni) :
Barak Valley Cement Limited hotu lian Mr. Vimal Kumar Sharma, Vice President (Sales, Transport & Mines) leh Mr. Bipul Baruah, North East region Manager bakah Pi Lalramliani Ralte (Mami) Zone Manager (Mizoram) te chu vawiin tlai dar 4:00 khan Central YMA Office-ah lengin, Central YMA hruaitute an kawm.
Valley Strong Cement siamtu company hotute hi Central YMA aiawhin Pu Lalhmachhuana President, Prof. Malsawmliana Gen. Secretary, Pu Roneihthanga Treasurer bakah Pu MS Ralte Fin. Secretary ten an lo dawng sawng a ni.
Barak Valley Cement Limited hotute chuan mipui vantlang tana Central YMA hnahthawh thin chu an hriatpui thu leh an hnathawh thin ropui an tihzia thu an sawi a. An company chuan YMA hnathawh kawng hrang hrangah an support tlat thu an sawi bawk.
Central YMA hruaitute chuan Cement pawlh dal leh buk tling lo an duh loh thu leh hetiang a awm loh nana theih tawp an chhuah thin thu an lo hrilh a. Barak Valley Cement Limited (Valley Strong Cement) hotute hnenah hian Cement pawlh dal leh buk tling lo a awm loh nan theih tawpa hma la turin an chah bawk.
Barak Valley Cement Limited hotute chuan an company CSR fund atangin Central YMA te nen Mizo thalaite infiamna liantham tak huai hawt an in huam thu leh an company senso vek a, Mizoram atanga an company factory hnai ber Badarpur, Assam-a mi chu hmun hrang hranga YMA hruaituten a hmun ngeia tlawh saka zin turin sawmna an siam bawk a ni.
Company hotute sawi danin tun dinhmunah Barak Valley Cement Limited te hian Mizoramah Stockist 4 neiin dealer leh sub-dealer 250 chuang an nei mek a, thlakhatah Valley Strong Cement bag Nuaih 250 – 300 vel an hralh chhuak thin a ni.
