Aizawl Sept. 5 : Zan khat riaka Inrinni a Mizoram lo thleng, Union Cabinet Minister Smt. Zubin Irani, Women, Child Development leh Minority Affairs Ministry te enkawltu chuan Pathianni khan Durtlanga North a Sakhi – One Stop Centre (hleinenna tawk hmeichhiate puihna hmun) leh Durtlang North thova awm humsual dai naupangte enkawlna hmun Child Care Institution pahnih – Observation Home leh Special Home te a tlawh.
Minister hian heng bakah humsual dai hmaichhiate enkawlna hmun Hunthar Venga Swadhar Greh leh Ujjawala Home te a tlawh bawk a. Heng hmuna awmte hmeichhia leh naupangte chu kawmin, an dihmun leh harsatna tawhte a zawt a, a enkawltute pawh an mamawh leh harsatna tawhte a zawt bawk a. Union Minister hian Delhi a thlen thlak hnua an mamawh thlente chu lo en a, tihfel thei te chu a lo tihfel sak tur thu a hrilh a ni.
Union Minister hi Social Welfare & Tribal Affairs leh Women & Child Development changtu Minister Dr. K. Beichhua leh heng Department 2 senior officer ten an tawiawm a ni.