Tourism Minister Robert Romawia’n Central a dawr

Tourism Minister Robert Romawia Royte chuan vawiin khan Union Culture & DoNER Minister G.Kishan Reddy chu kawmin, Mizoramah Tourists te hipnan leh Mizo culture tihnun zelnan Mizo Heritage & Cultural Centre din a rawt a, Cheng nuai 2000 lakh senna tur Project Report chu Mizoram sorkarin NEC ah thehluh anih tawh thu a hrilh bawk.Hei bakah hian Tourism Minister chuan Mizoram leh Zoram pawna Mizo tamna hmuna Zo Kutpui hmanna tur Project pawh sanction ngei turin a ngen bawk.
Mizoram Institute of Hotel Management ataka function anih theihnan Mizoram Cabinet chuan Posts tepawh a siam tawh thu hrilhin ataka function tura infrastructure ngaite siambelhnan Tourism Minister chuan rawtna a thlen bawka.DoNER Minister GK Reddy chuan Tourism Minister Robert Romawia Royte rawtna te chu alo bawhzui tur thu hrilhin Ministry of Culture sum pek tura Thenzawla Event siamna tur rawtna phei chu sanction nghal anih tur thu a hrilh a ni.
Robert Romawia chuan Mixoram IT project sanction tura MEITY Ministry in a reccomend tawh pawh Finance Ministry ah bawhzuiin Additional Secretary Finance Ministry chuan sanction thuai an tum thu ICT Minister hi a hrilh a ni.
Sports Minister Robert-a hian Sports Ministry a Mizoram projects te a umzui bawk a ni. Minister hi Manisha Saxena IAS, Tourism Principal Secretary, Ajay Choudhury IPS,OSD Delhi Mizoram House te, V.Lalengmawia MSC, Tourism Jt Secretary leh Saitluanga,Tourism Director ten an tawiawm a ni.