Hualngohmun khaw hnuaia Saza pachal hliam nimin ni 18, 2025 Thawhlehnia an lakchhuah chu, a dam leh beiseia vawiina Veterinary hospital lama an enkawl laiin chawhma dar 11:30 khan a hliam tuar lovin a boral.
Thudawnna chuan, “Investigation report aṭanga a lan dan chuan silai hnuhma a nei nual a, a mal ruh a tliak a, a ngum ruh a sâwp vek bawk a. A pang a dam lo viau. Silaia kah a tawh avangin khamah che sualin a lum a nih a rinawm ber a. A lumna lamah a ruh hi a sawh chhiat belh nasa niin a lang. Thih pui loh chi ziazang a lo ni lo a ni,” a ti.
Tarlan tawh angin, report an dawn bawhzuiin Forest department lama hnathawktute chuan Hualngohmun hnuaia Saza hliam chu nimin khan harsa takin an la chhuak a. Tukin lam pawh khan Saza hliam enkawl mek hi a la harh ṭha a. USG leh X Ray vel tih tum a ni a. A hliam te pawh nizan khan dressing sak a ni a, thisen a hloh hnem deuh avangin damdawi hrang hrang drip in a kal a, a awmna sawn thut anih avang in capture myopathy vangin an heart attack ve thut thei a, fimkhur pawh an fimkhur hle a, mahse hetiang a nih mek lai hian a hliam tuar lovin a boral ta a ni.
State Animal Saza ruang hi Sahuan ah phum a ni.
