Vawiin khan MSU chuan an President B.Lalkhawngaihzuala hovin Aizawl Press Club-ah chanchinthar lakhawmtute kawmin, “Hun rei tak atang khan College a thawk turin part time Asst. Professor lak zingah Unquaiified (Non NET or Ph.D nei lo) college zirtirtu tura lak ah hian an tel ta zeuh zeuh a, chung Unqualified te chu Sawrkar lam pawn hrethiamin NET or Ph.D an neih theih na turin ban mai loin Chance-ape fo bawk a ni. Tin, Covid-19 hri len hun lai atang khan mumal takin hmunkhatah interview buatsaih theih a nih loh avangin mahni College theuh ah H&TE Department lam aiawh tel thlap in mi 100 lak an ni a. heng te hi zirtirtu indaihloh zualpui phuhrukna tura tih an ni. A hnu deuh ah Mi 46 vel lak belh leh an ni. (Thenkhat hna dang, atanga bang ta pawh an awm tawh) Heng Casual teaching Faculty an lak zingah hian Eligibility pha lo (NET or Ph.D neilo) an awm nual a, mahse an thawh chhunga NET leh Ph.D hmu leh nei ta pawh an awm ve hman nual a ni. Dt.28th February 2025 khan heng Casual teachers thawk mek te hi mumal leh Qualified te ngei in an thawh theih nan sawrkar lam hian huaisen tak in an chhawr chhunzawm tawh lo a ni. (an ban thleng hian Casual teachers mi 32 te chauh Unqualified an awm) tichuan kumin February 2025 atana khan Casual teachers hi interview hmanga lak leh nghal ni in he tah hi chuan Qualified te chauh in an dil thei ta a, tling leh tlak ngei in an thawk thei to hi MSU chuan Sawrkar hmalak na ah lawmthu a sawi a ni, a ti.
MSU president chuan, “Casual teachers chungchang ah sawrkar hmalakna ah kan lawm viau laiin, Dt. 21 ‘February 2025 a Mizoram Sawrkar, H&TE Department lelikha No. A. 12033/8/2017-H&TE(Part-time) – in Director, H&TE hnena approval a pek angin, Part Time Asst. Professor-29 zet mai University Grant Commision (UGC)-in a phut anga, College zirtirtu tur ten Ph.D degree emaw NET (National Eligibility Test) neilo Unqualified teacher-te, kum khat dang atan ie. 28th February 2026 thleng hun a pek belh leh hi kan hrethiam lo hle maia; Sawrkar in hun a pek belh leh mek Unqualified teachers tehi a chung lama kan sawi tawh ang khian NET emaw Ph.D neilo, Sawrkar pawn vawi tam tak hun a lo pek thin tawh te an ni a, vawi tam tak chance pek an nih hnu pawha Qualify theilo te chu sawrkar pawn ban ngam a hnawl ngam turin Sawrkar hi kan ngen a. Casual teachers te laka huaisen tak leh rualkhai taka hma an lak ang hian Part time College teachers te lakah pawh hian duhsak bik nei lova rualkhai tak leh fair taka thutlulma siam turin MSU chuan sawrkar kan ngen a ni.
“Kan Sawrkar hian heng Qualified-lo te an thawh chhunzawm theihna tura ni ,1’ February 2025-a approval a pek chhuah tawh pawh hi sut leh ngei turin kan duh a; hmalakna a awm lo a nih chuan thui zawka ke pen leh hmala zel turin MSU chu kan in peih reng a ni,” a ti bawk.
