Boruak thianghlim pawimawhzia tlangaupui chunga Thirsakawr hmanga India ram fan chhuah tum Pu Vanlallawmzuala Varte (Elzeta), Mission Veng chuan a kal lama a kawng zawh hnu rawn thleng leh tawhin, tunah hian Sikkim a lo lut leh tawh a. A zin kawng zawh tum a zo hnai ta.
.
Pic : School naupang hmaah thu a sawi.
Pu Elzeta hian kumin Jan ni 25 khan Aizawl a chhuahsan a, ni 173 chhung Thirsakawr khalh tawhin, zan 243 a hmang tawh thung. India ram State hrang hrang 21 (Mizoram nen 22) leh UT 5 a kal tawh a. Thla 7 leh ni 30 chhung a zin chhuak tawh a. Thla 8 leh ni 15 ah a zin kawng zo thei tura beisei a ni. Aizawl a lo luh leh chiah hian Km 16300 vel Thirsakawr hmanga zin a ni ang.
.
A zin kawng hi a thuiin chanchin ziah tur a ngah hle a. State leh UT hrang hrangah State Pollution lamin chawimawina te lo hlanin inkawmna hun te an lo neihpui ṭhin a. Boruak thianghlim kan neih zel theih dan tura rawtna leh sawihona hun pawimawh te pawh an hmang ṭhin bawk.
.
State hrang hrang a paltlang hian Mizo Welfare ten an lo dawngsawng ṭhain, an lo lawm thei hle a. Thilpek hlu tak tak bakah a mamawh kawng hrang hrang an lo ngaihtuahsak ṭhin bawk. Duhsakna a dawn engemawzat hi chuan an in an thlen khalh tawh nghe nghe.
.
A zin chhung hian nikhata a kal thui ber chu Lucknow leh Badlapur inkar niin, Km 207.82 a kal a, a zin tawi ber niin Badlapur leh Juanpur inkar Km 30.66 a kal thung. A zin kawng hi a in ang lo thei hle a, a riahna tur remchang zawn te a lo ngai a. Khawvawt, khawlum, ruah sur leh vur hmun thlengin a paltlang a. A kawng chhuk chhoh dan lah a in ang lo nasa.
.
Sikkim aṭang hian Arunachal Pradest, Nagaland, Manipur te tlawh lehin Mizoram a lo lut leh ang. Tluang taka Mizoram a lo thlen leh theihnan duhsakna kan hlan e.