TATA SK 612 LPS PRO FIGHT
@ LPS Arena, Falkland Veng
TITLE FIGHT
Zan 28-na : November 11, 2023 (Inrinni) – 8:00 PM : Bout 4
* Ticket Rs 50 leh 500 man hralh chhuah a ni a, LPS 1-ah live-a pek chhuah tur a nih bakah LPS Youtube channel-ah live-a pek tel a ni dawn a, mahse, youtube aαΉanga en turin Rs 159-in member nih a ngai.
WELTERWEIGHT – Round 4
Lalruatzela Hauzel (Mission Veng) v Vanlalruatpuia (Saikhamakawn)
Lalruatzela Hauzel : kum 22, kg 66.15, height – 5’6″, reach – 5’6″
Pro Record : 0 win (0 ko), 2 loss, 0 draw
RUATZELA : “Champion turin ka inpeih a, kum tluanin ka inbuatsaih tha a, ka champion ngei bawk ang. A inven fimkhur hle loh chuan a tlu tual mai ang.” 2022 Pro Fight welterweight semifinal a lut a, professional luhchilh nghalin a chak zo lo. Middle-ah welter champion lai C Lalhruaitluanga a insawn avangin hun tha a nei a, a vawi khat nan professional huangah chak a tum tel nghal dawn a ni.
Vanlalruatpuia : kum 19, kg 65.3, height – 5’7Β½”, reach – 5’8″
Pro Record : debut
RUATPUIA : “Ka nghawng hi a chak tawka ka tluk ka ring lo. Kum tir atangin boxing hi hnaah ka nei a, ani aiin boxing ka khel hma zawka chu chu ka lantir ang.” 2019 khan a vawi khat nan Pro Fight-ah telin round of 16 a thleng a, a tel leh hmasak berah a vawi khat nan Title Fight-ah a inlan dawn a, professional a luhchilh nghal ang.
LIGHTWEIGHT – Round 4
C Lalhruaitluanga (Cherhlun) v HC Lalramfela (Chawngtlai)
C Lalhruaitluanga : kum 21, kg 60.9, height – 5’8Β½”, reach – 5’11”
Pro Record : debut
HRUAIA : “Kum hnih kal ta atangin chawl lovin ka la inbuatsaih char char a, ka inringtawk khawp mai. Kei aiin a hming a lian zawk a nih pawhin huphurhna chhe te mah ka nei lo va, ka hrek hrep ka beisei. Ka champion-na kawng a dal ka ring lo.” Quarterfinal-ah inhnial theih takin a hmingpui, Zanlawn fighter Lalhruaitluang a hneh a, semifinal-ah bantam champion lai Lalrinngheta hnek tluin a knockout a, title a chuh rualin a vawi khat nan professional boxing a khel dawn.
HC Lalramfela : kum 28, kg 61, height – 5’5″, reach – 5’7″
Pro Record : 5 win (2 ko), 2 loss, 0 draw
RAMFELA : “Beisei ngai lovin lightweight champion kawnghren hi chu ka ta tura ka dah sa. Kumin hi kum dang zawng aiin ka inpuahchah tha a, hnek nat, thahrui leh kawng hrang hrangah kum dang aiin ka chungnung a, chumi ka thatzia chu inrinni zanah ka rawn tilang leh zual ang. Phur taka min hnek ngam hi ka lawm a, round li ding tluan turin a inven viau leh a tlanchhiat chak viau a ngai ang.” 2015 Pro Fight-ah bantam title lain nikumah light champion nih tumin a kir a, Title Fight-ah Vanlalawmpuia a hneh lo. Kuminah Awpa’n Pro Fight title kalsanin WBC India title a chuh dawn a, rin hlawh zawk ni chungin hruihrual chhungah a lut dawn.
WBC INDIA SUPER LIGHTWEIGHT CHAMPIONSHIP – Round 8
Gugan Kumar (Chennai) v Vanlalawmpuia (Khuanthing)
Gugan Kumar : kum 22, kg 60.20, height – 6′, reach – 6’4″
Pro Record : 3 win (1 ko), 2 loss, 2 draw
GUGAN : “Ka san zawk avangin hamthat neihpui turin ka khel dawn a, thil thleng tur chu kan inhnek hunah a chiang ang.” August 26 khan tun tum Pro Fight semifinal-a tla ta Omega Lalramdina nen an intawng tawh a, point hmangin a chak lo. October 1 khan Kalaiarasan Sekar hnehin a dinhmun a siam tha a, WBC India lighweight ranking-ah 11-na ni mekin weight rit zawkah title a chuh dawn.
Vanlalawmpuia : kum 26, kg 62.95, height – 5’7″, reach – 5’8″
Pro Record : 6 win (4 ko), 3 loss, 1 draw
AWMPUIA : “Thingkung chu a sang apiang kih a nuam. Sete Boxing Academy-ah theihtawp chhuahin chawl lovin ka inbuatsaih a, inhnek thei reng turin kan inpeih sa a, ka chak ngei ka ring.” 2022 Pro Fight light champion a nih hnuah WBA Asia super light title chuhin vawi hnih Bangkok-ah a fehchhuak tawh a, Thai boxer Phoobadin Yoohanngoh-a lakah a tlawm zawn. WBC India super light ranking-ah pathumna ni mekin rin hlawh zawk ni chungin a inlan ang.
FLYWEIGHT – Round 4
NT Lalbiakkima (Siaha) v Vanlalenkawltira (Champhai Dinthar)
NT Lalbiakkima : kum 27, kg 52, height – 5’1″, reach – 5’1″
Pro Record : 5 win (5 ko), 1 loss, 0 draw
BIAKKIMA : “Coach ka nei tha a, ka inbuatsaihna a tha, a tha lutuk a ni mai. Champion ngei ngei tuma tel ka ni a, a chhan chu kum 18 ka nihin a vawi khat nan ka champion a, tunah kum 27 ka ni a, kum 10-na chiah a ni a, ka tan a pawimawh. Ka nupui thi lek leka damlo kalsanin ka inhnek a, chuvangin champion kawnghren tel lova haw ka tum lo. Enkawla hi hmabak eng tak nei a ni a, hmuhnawm takin kan inhnek ka ring.” 2014-ah a vawi khat nan Pro Fight-ah telin a champion a, 2019 thlengin lightfly-ah vawi nga a champion zawn a, kuminah vawi ruk champion hmasa ber ni turin a kir leh a, Pro Fight a khelh tawhah a bitum a la hneh vek a ni.
Vanlalenkawltira : kum 20, kg 52, height – 5’5″, reach – 5’4″
Pro Record : 0 win (0 ko), 0 loss, 1 draw
ENKAWLA : “Kum tir atangin Alpha Gym-ah ka inbuatsaih a, ka fit a, he kawnghren hi ka hawn ngei ang. Huphurhna ka nei lo va, amah hi ka tum chak a ni a, kan inhnek thei tur hi ka lawm a, tlan chhe lo chi ve ve kan ni a, a hmuhnawm viau ang. Min rawn pan a nih chuan a inven that viau a ngai ang.” 2022 Pro Fight fly quarterfinal-ah a tla a, kumin hma a sawn tih lantirin a kalkawngah derthawng lovin boxer thiamna nei tha tak tak a hnek tla zel.
