Nimin tlai thim hma a Tuirial Airfield peng pelh thlak, Lalnghakliana picnic spot bul kawngpuia Tank lorry tlu chu mi tam takin petrol bua an dawh a. Lungmuang taka petrol bua an dawh sup sup lai chuan tank lorry hi a kang ta nia sawi a ni.
Kangmei chhuakah hian mi 4 an thi a, thelh mai theih a nih loh avangin mihring kang hlumte hi an kang chhe hneh em em a, tute nge an nih hriat theih an la ni lo.
Tuirial mi 7 na tak takin an hliam a, Tuirial mi nilo, kawng kal din chilh zingah hliam an awm ve nual a, tute nge, khawi lam mi nge hriat chian theih a ni rih lo.
Tank lorry kang bul hnaia scooty 3 a kang chhe vek a, taxi pakhat a kang tel bawk.
Petrol phur tank lorry hi hnamdang khalh niin a tlan chak hle niin an sawi. Driver hi a rui nia sawi a ni bawk.
