STAM General Conference Vawi – 37 chu Synod Conference Center Aizawl ah vawiin khan neih a ni a, chawhma session hi Pu Lalhmukima Colney (Vice President) in a kaihruai a, Dr.Vanlalthlana, Hon’ble Minister, School Education Department chu khuallian a ni a. Minister chuan STAM hmalakna NIT Mizoram Lengpuia sak mek hna muang lutuk chu a vei thu sawiin, a hlawhtlin ngei theih nan Central lamah hma an lak mek thu a sawi.
Zirtirtute chu Science and Technology lama zirlai cho chhuak zel turte, naupangten zawhna nei tam sela, naupang rilru vak velah hmasawnna nei tam se langin, a duh thu a sawi a. Tinkering lab din anih theih nan a thawhpui turin STAM a sawm a, Scientist te, innovator-te, zirtirtu ropui te cher chhuak zel turin duhsakna a hlan nghal bawk a ni.
Conference ah hian Rev Dr. K.Thanzauva Education Consultant chuan hun a hman pui a, ram hmangaihna (patriotic) nena zirtir hna thawk turin palai te a sawm a ni.
STAM chuan hmathlir tam tak a nei a, chung zingah chuan NIT forest clearance an neih theih nan te, Assam Rifles ten Aizawl-a an hmun an chhuahsan huna science Centre/Science City changkang tak din theih nan te, Thenzawl a Horticulture college hi research institute changtlung tak a nih theih nan te, Zirlai ti tha ten Medical College kan neih ZMC a luh an inchuh hun tur leh post Graduate an zir ve theih nan te, Directorate of science & Technology, Govt. of Mizoram hi Department puitling leh phuisui a nih theih nan te a hmalak a ni.
Chawhnu session ah hian Dr R. Lalengmawia, President kaihhruaina hnuaiah rorel inkawm neih a ni a, Agenda 1-na: “Middle School Teacher laknaah Science leh Mathematics tan quota siam anih theih nan hmalak ni rawh se”. tih te
2-na: “SCERT in science practical zirna tur bungrua a pek thin tawp ta hi chhunzawm a nih leh theih nan hmalak ni rawh se”. tih te leh
3-na: “Kum 2013 General Conference-in kan lo rel tawh angin Assam Rifle ten an awmna an chhuahsan tur hmunah hian Science Park/Science city dah ve ngei tura hmalak chhunzawm ni rawh se” tih te chu lawm takin palai kal khawm ten an pawm.
Zirtirtu thawk tha State Teacher Awardee lawmpuina an hlan nghal bawk a, Pu Zothanliana (General Secretary) STAM, Govt. Chaltlang H/S leh Pu C Lalhrilliana Govt, Vengthlang M/S, Champhai te hnenah hlan a ni.
Thlatin chhuak Mizoram Science Journal (2023) atangin Best Article “ Kum 10 daih kawngpui” Ziaktu: Er. H. Laldintluanga leh Best Contribution Award Dr. Laldinpuia te hnenah hlan an ni.
Chawhnu prog. ah kum 2024-26 chhung atan Office Bearer thlanna an nei a, an
thlan chhuah te chu :
1. Dr. Lalengmawia
2. Zothanliana
3. Lalmuanpuia
4. Lalhmukima Kawlni
5. PC Lalzoliana
6. Joel Lalbiakkima
7. Jennifer Lalrinpari