Vanduaina hrang hrang avanga spinal cord thalo intelkhawm pawl, ‘Spinal Cord Injured & Person Living with Wheelchair’ society te chuan, No Vehicle zone denchhenin, karleh Thawhtanni, December ni 23, 2024 hian an pawl member zinga harsa zualte puih nan, sum tuakin Dawrpui phei hmun remchangah thil zawrh an tum a. An harsatna hrethiama a thei theiin lo dawr ve ngei turin mipui an sawmi.
Spinal cord thalo, wheel chair-a damchhung hun hmangte zingah mi harsa puih ngai eng emaw zat an awm a. Pawl anga insiamin, a thei theiin sum thawh khawmin an member tanpui ngaite an inpui tawn ve thin. Spinal cord thalo te hi a tlangpuithuin zun siak ngai, dressing tih reng ngaite an ni thin a. Mite tanpuina azara inenkawl ve hram hram eng emawzat an awm a ni. An dinhmun hrethiama an thil zawrh ang angte, tanpuina rilru pu chunga lo dawr ve ngei turin mipuite an ngen a ni.
