Dated Aizawl, the 20th February,2025 : ZPM chuan thuchhuah siamin, “Vawiin 20th February,2025 hian Kalphung thar Mipui Sorkar chuan Mizoram Sorkar Flagship Programme Bana Kaih Handholding (Scheme) leh ZPM Party Policy tihhlawhtlin nan District hrang hranga Secondary Collection Centre atangin Kuthnathawktute thlai thar SAWHTHING KG ah Rs.50 a, a lei tan ta hi ZPM General Headquarters chuan lawmawm a ti a, kum khat vel chauh ZPM Party in Sorkarna a chan hnu a, suangtuahna a tak ram a chang chho ta mai hi Pathian leh Pu Lalduhoma kaihhruai ZPM Minstry fawng chelhtute chungah ZPM General Headquarters chuan lawmthu a sawi a ni,” an ti.
Thuchhuahah chuan, “ZPM Party chuan 2023 MLA General Election Campaign-na ah Bana Kaih Handholding Policy hi kan lo tlangaupui tawh a, mithenkhat chuan kan tihhlawhtlin theih min beisei pui lo hle a, nimahsela Kalphung thar mipui Sorkar hi kuthnathawktute hmangaihtu leh khaichhuah tumtu a nih tlat avangin vawiinah chuan min hruaitu Pathian zarah kan Policy a lo hlawhtling chho ta zel a, kuthnathawktute hlim hmel hian thinlung a hneh hle a ni. Hetih lai hian mipui zingah party hrang hrang kan awm avangin Eptu Party lamte chuan Sorkar ruahmanna sawiselna tur kawng hrang hrang an dap mek a, heng inchirhthehnate avang hian kalphung thar mipui Sorkar hi a zam mai dawn lo a, kuthnathawktute tan ke a pen zel dawn a ni.
“Tunah hian Mizoram Sorkar chuan Secondary Collection Centre hmun 62 a ruahman atangin Sawhthing hralh thawhkhatna hi kalpui mek a, a tahtawl zelin Sorkar chuan Sawhthing lei hi a chhunzawm zel dawna, ruahmanna felfai tak leh awmze nei taka kalpui angaih avangin mipuite pawhin Sorkar ruahmanna ngaichang zel turin kan ngena, a vawi khatna a ni a, ruahmanna famkim tawk lo a lo awm a nih pawhin Sorkarin ngaihtuahna a seng chho zel dawn a, Pu PC Vanlalruata kaihhruai Mizoram Agriculture Marketing Board (MAMB) hruaitute pawhin chum lo chat lovin ngaihtuahna an seng mek zel a, Bana kaih Handholding Scheme hi ZPM General Headquarters chuan kan ram damna tur a nih kan beisei tlat a, a buaipuitute Pathianin Finna leh remhriatna a pe zel ang tih kan ring tlat a ni,” an ti bawk.
