Mipuiin kan chawi chhiah leh thil dang hrang hrang, sorkara lut ngei tura kan lo ngaih thin zingah hian cheng vaibelchhe tel teh meuh a bo ni hialin a lang a. Sorkarin hei hi a sawi chian ka phut a ni, Vanlalruata, PC Party President chuan a ti.
Vawiin, October ni 18, 2022 hian PC Party chuan an office-ah sorkar sum hmuh chungchang zir hona hun an hmang a. Heta hun hmangtu Vanlalruata chuan damdawi ina kan inentirna atanga sorkar sum hmuh chu cheng 28,000 chauh nia sorkarin a tar lan thu sawiin, “Hetiang zat lek hi a ni thei lo,” a ti a. PWD khawl chi hrang hrang hawhna man sorkara lut cheng 1,000 chauh a nih thu leh sorkara pawisa lut anga ziah chi hrang hrang a tar lang bawk.
Heng sorkarin sum a hmuh nia tar lan hrang hrang en hi chuan mipuiin kan pek reng si, sorkara lut lo cheng vaibelchhe tel teh meuh a awm nia a lan thu sawiin Vanlalruata chuan a nihna dik tak sawi fiah turin sorkar ka phut a ni, a ti bawk.
