Senior Club Mizoram Inkhawmpui Lian HIGH COUNCIL vawi 3-na chu Zarkawt Community Hall ah neih a ni a. He hun hi Social Wefare Minister Pi Lalrinpuii chuan Khuallian niin a hmanpui a. Thusawiin; Mizoramah kum upa te ngaihsakna leh duat nachang hriatna kawngah kan thangharh ta chu lawmawm a tih thu a sawi a. Hun inherin kum upat a hrin avangin; leilung dan pawm thiam a tul thu a sawi a. Mizoram Sorkarin Old Age Home chu district 4 a hawn anih tur thu a sawi bawk a, Senior Club Mizoram lo ding chu Mizoram tan malsawmna anih thu a sawi.
HIGH COUNCIL-a khualzahawm MHIP General Headquarters a General Secretary Pi Lalliani pawhin thu a sawi.
Senior Club Mizoram hi kum 2021, September ni 04 khan Dawrpui a V. Thanga In ah din a ni a. Kum lama upa te dikna leh chanvo humhalh nan te leh upa te hlimna siamsak chu he pawl thiltum a ni. Tunah hian Mizoram pumah member 160 an nei mek.
