Save Mizoram Rivers (SMR) chuan vawiin khan Aizawl Press Club ah chanchinthar lakhawmtute kawmin, “Sairang leh Khamrang inkar kawngpui (NH54) sira bawlhhlawh paih ruk a ni thin hi pawl kan ti takzet. Helai kawng sira bawlhhlawh paihte hi Tlawnga a luh thlak nghal mai thin avang leh ram dang khualzinte veivah tamna a nih avangin kan hriselna khawih chhetu leh Mizoram hmel tibaitu lian takah kan ngai. Kolasib District Magistrate Pu John LT Sangan Kolasib huamchhung, NH54 kawngpui sira bawlhhlawh paih khapna Order (Memo No.J.32019/1/2021-DC(K)/ dated 23′ August 2022) a chhuah hi lawmawm kan ti takzet,” an ti a.
SMR chuan, “Sairang leh Khamrang khaw inkar kawngpui sira bawlhhlawh paih ru thin hria leh hmute chuan a rang thei ang bera Sairang Police Station (0389-2568209)-ah emaw, Kawnpui PS (03837-266459)-ah emaw report nghal vat zel turin mipuite kan inngen takmeuh meuh a ni. Helaia bawlhhlawh path ru thinte man chhuah kawnga thuneitute pui theitute chu Save Mizoram Rivers hminga Iawmman pek an ni ang,” an ti bawk.