Vawiin November ni 08, 2024 (Zirtawpni) hian MNF Party office Mizo Hnam Runah Sinlung Hills Council MNF & HPC (R) Member thlan tharte pualin lawmpuina Inkhawm neih a ni a. MNF Sr. Vice President Dr. R Lalthangliana chuan thusawiin Sinlung Hills Council inthlannaa hnehna kan chhanah hian Pathian chungah leh SHC mipuite chungah lawmthu ka sawi tak meuh a, Lalpan thil ropui tak min tih sak a ni, a ti.
Dr R Lalthangliana chuan, he hnehna hi MNF chakna vang ngawr ngawr ni lovin, Mipuite hnehna a ni. Mipuiten ZPM sorkar thla 11 leka upaah rinna an nghat tawh lo va, Mipui Party, Mipui ta, Mipuite tana ding αΉhin MNF party hnehna min chantir ta a ni, a ti.
Sinlung Hills Council-ah hnehna kan chan hian chapona rilru min neih tir lo se la, Kan ram siam tha tur hian thei tawp Pathian leh kan ram tan kan chhuah zawk tur a ni a tlawmna atangin bul kan αΉan that a pawimawh hle a ni, a ti. SHC tlingte hi an hmabakah hmasawnna ruangam duan tur αΉul tam tak a awm thusawiin kan back up zel dawn a ni, a ti bawk.
Sinlung Hills Council MNF & HPC (R) Member thlan thar lawmpuina inkhawm hi Pu Vanlalzawma, MNF Vice President & Chairman SHC Election Campaign Committee ni bawk chuan kaihruaiin Pu PP Thawla, Ex MLA & Adviser, MNF chuan hunserh a hmang. Pu TC Kaphmingthanga Gen Secretary & Secy SHC Election Campaign Committee hnen aαΉangin SHC General Election Report ngaihthlak a nih bakah Sinlung Hills Council MNF & HPC (R) Member tling tharte chawimawimawina Pangpar leh Citation hlanna neih a ni bawk.
