Aizawl June 12 : Zan hnih riaka Mizoram rawn tlawh tu Union Cabinet Minister of Fisheries, Animal Husbandry and Dairying Parshottam Khondabhai Rupala chuan vawiin khan Selsih a Vety Collega ah PG Boys’ Hostel-II, C.V.Sc. & A.H. leh Transit Hostel, Jalukie chu a hawng a, Hemi hma hian Union Minister hian Chief Minister Zoramthanga chu a chenna CM bungalow ah hmu in, a Ministry chan hnuaia Mizoram kaihhnawih thu pawimawh tak tak an sawi dun bawk.
Mizoram tlawh a lo zin Union Minister of Fisheries, Animal Husbandry & Dairying, Parshottam Khodabhai Rupala chuan College of Veterinary Sciences &Animal Husbandry, CAU Selesih campus a PG Boys’ Hostel-II hawngin, Transit Hostel, Jalukie, Nagaland ami chu a hawng tel nghal bawk.
Vawiina hawnna inkhawm Selesih Vety College Auditorium a neih ah hian Minister chuan hostel hawng thei a awm leh farmers te nena inkawm hona anei thei chu lawmawm a tih thu a sawi a. Kum 8 chhunga PM in mi rethei leh chan hai tana a hmalakna chu fakawm a ti a, Corona chungchang ah Modi a thil tih in a tha zawnga sawi a hlawh ani a ti. Ram pawn ami nilo ram chhung ngei a siam vaccine leh tanpuina India in a pe thei chu a lawmawm a tih thu Union Minister hian sawiin, hei bakah ram dang te tรกn a thawn chhuak thei chu thil chhinchhiah tlak tak a ni a ti.
Mizoram sorkar atanga kalo hriat dan in lo neitu ten fertilizers leh pesticide hmang loa a tam zawkin organic farming an kalpui chu a ?ha a tih thu a sawi a, hemi kawngah tanpui emaw hma lakpui state in a ngai anih chuan a in hawn reng thu a sawi bawk. Vety students ten an pawimawhna hre thar leh se a duh thu a sawiin, ran chuan an natna te an sawi theih loh avangin an mawhphurhna a pawimawh zia hrethar turin Union Minister chuan zirlai te chu a chah a ni.
Hostel hawnna inkhawm ah hian CAU prospectus, bakah Profile of CAU, Imphal leh Motivational talks by the CAU faculties te chu Minister hian a tlangzarh bawk.
He hunah hian Dr BD Chakma, Tuichawng bialtu MLA chuan sorkar hna chauh beisei lo a hna Siam chhuak tu ni turin zirlai kalkhawm te a fuih a. India ram ah pawh he University hi a ti tha pawl a ni chu lawmawm a tih thu a sawi a, a thawktu te in pek na liau liau a ni a ti. Agriculture leh a kaihhnawih eizawnna hi hna siam chhuak tu a nih avangin theihtawp chhuah zel turin a chah bawk a ni. Farmers te leh beneficiaries ten exhibition an neih chu Minister hian enfiahin farmers te nen inkawmhoan hun an hmang bawk a ni.
Mobile Veterinary Unit chu ranvulhtute leh farmer te tan a tangkai em avanga tihchangtlun pawimawh an tih thu Union Minister chuan sawiin, Chief Minister hnenah hian Ministry pawhin a ngaihpawimawh pui tur thu thlenin a dang neih belhna tur ruahmanna department in siam thuai turin thurawn a pe bawk. Mizoram chu ramdang nen ramri intawm a nih avanga ran hri pawh a lo luh awlsam phah thu te sawi an dun a. Union Cabinet Minister chuan ran hrileng avanga ranvulhtute harsatna sutkian a awlsam zual theih nan Insurance Policy leh Insurance Undertaking hrang hranga sawrkar laipui nena hmala tura State in proposal siam pawimawh a tih thu a sawipui bawk.
Union Cabinet Minister of Fisheries, Animal Husbandry and Dairying Parshottam Khondabhai Rupala ho hian sorkar chuan Taxation Deparment Auditorium MINECO ah zirtawpni khan hun buatsaihin Union Cabinet Minister chuan Mizoram in African Swine Fever avanga harsatna an tawh te sut kian nan AH & Vety College, Selesih chuan laboratory tha a neih a ngai tiin, proposal ziak turin a hrilh a. ASF vaccine pawh rampawn atanga a ngaihven sak tur thu a sawi bawk a ni.
