Vawiin 9th January 2025 Thursday khan Union Minister of State for Tribal Affairs Minister Pu Sh Durgadas Uikey chuan Hotel Regency Zarkawt Aizawl ah thuthar thehdarhtute a kawm.
Pu Durgadas Uikey chuan PM Modi duh dan a Mizoram hmun nuam taka rawn zin a nih thu sawiin, tribal Affairs Ministry hnuai ah hmasawnna hnathawhna tur hrang hrang State ah pêk chhuah a ni a.Mipui in an chhawr tura pêk a nih ang ngeiin State sorkar in mipui te tân tangkai leh hlawkthlak thei ang bera Central scheme te kalpui a tul thu a sawi.
Pu Durgadas Uikey chuan BJP Mizoram hruaitu te ngenna in EMRS (Tribal Residential School) Tlangnuam a tlawh a.Social Welfare & Tribal Affairs Secretary, Director leh Officer ten an lo dawngsawng a. School Building leh Hostel sak tha tawklo chu pawi a tih thu leh siam that ngai te siam tha tûrin Department hotu leh Contractor te a hriattîr nghal a ni.
Pu Durgadas chuan PM Modi an Tribal naupang ten senso ngailo a a thlawn a zirna tha an hmuh theih na atana vaibelchhe tam tak senna tur ni mahse phal taka pêk a nih thu sawiin, Social Welfare Department thawktu leh Contractor te chu an fate awmna tur anga ngai a, tha tak a thawh a tul thu a sawi a, tribal naupang te guardian an nih anga hna thawk zêl tûrin a chah a, hna tha lo thawktu chu chunglam pawhin a ngaihdam theih a rinloh thu a sawi a.
EMRS Tlangnuam ah hian SWD thawktu te bak ah Zirtirtu leh thawktu ten an lo dawngsawngin, inkawmhona hun neih bawk a ni.
