Vawiin khan P&E Minister F.Rodingliana hovin Conference Hall- Engeneer-in-Chief Office, Power & Electricity Deptt. ah Distribution of State Subsidy Under PM SURYA CHAR : MUFT BILL YOJANA chu neih a ni.
Er. Zothansanga Superintending Engineer (Works-I) Power & Electricity Department-in Technical Report a pek danin, “PMSG:MBY Chenna inchunga solar hmanga power siam chhuah, Rooftop Solar System kan tih mai hí India sorkar laipui chuan central financial assistance pe in Phase-I leh Phase-II a lo kalpui tawh thin a. Mizoramah pawh he’ng Phase-I leh II hnuaiah hian a pumpuiin 19MW lai, 431 nos. residential buildings-ah bun tawh a ni,” a ti.
“Nikum kum tir lam ni 29 February 2024 khan India Sorkar laipui chuan India ram chhunga chenna in, a duh apiangte tana subsidy hmanga Rooftop Solar system bun duh te tan PM-Surya Ghar : Muft Bijli Yojana (PMSG : MBY) chu a lo duang chhuak leh ta a, hemi atan hian Dt. 16′ March 2024 khan Administration Approval pawh pein he scheme atan hian Rs. 75,021 Crore lai a ruahman a, 31st March 2027 thleng implement tura ruahman a ni bawk. Chutihrual chuan fund limited scheme anih angin National Portal-ah application lCrore a tlin hun thleng a ni bawk ang.
“Grid-connected Rooftop Solar kan tih chu mahni inchunga Rooftop Solar plant hmanga power kan siam chhuahte a neituten an hman hnua hman bang an la neih chuan grid (electric department hrui) a thawn chhuah tihna a ni a, he system hian battery a ken tel loh avangin RTS atanga kan-power thar chhuah te hi a khawl ve theih loh a. Battery keng tel, power generate hralh theih tho si hi Hybrid system an ti ve thung a, a man pawh a to zawk bawk. Sorkarin hybrid system ah hian subsidy pe ve lo mahse mimalin an duh chuan mahni sum sen belhin a dah theih tho a ni,” a ti bawk.
Er. Zothansanga chuan, “He scheme hnuaia mahni inchunga Rooftop Solar bun duhte chu India ram chhunga cheng, electric consumer ni mek/bill pe thin an ni tur a ni a. Tin, chenna in a ni ngei tur a ni a, chenna in ni lo, he’ng sorkar buildings/commercial/industrial building te hi he scheme hian a huam ve lo. Diltu (applicant name), electric bill hming pu tu leh Bank A/c neitute hi hming khat/ inang vek a ni tur a ni.
“Empanelled vendors te hi Mizoram sorkar-in he scheme hnuaia Rooftop Solar installation ti tura approval a pek te an ni a. Empanelled vendor ni tur hian Engineer-in-Chief office, Power & Electricity Department-ah ngaihven theih niin, application leh documents tul ang angte an submit hnua an qualify ngei anih chuan Performance Bank Guarantee (PBG) Rs.2.5lakhs theh lutin a tih theih a ni. Tun dinhmunah Empanelled Vendor hi firm 13 kan nei mek a ni. Electric Consumer te chu he PM-Surya Ghar Muft Bijli Yojana Scheme hnuaia Central leh State Subsidy te hi hmang tangkaia, kan monthly electric bill te alo tlak hniam theih nan RTS Install theuh turin ka ngen a ni,” a ti bawk.
