Mizo Zirlai Pawl (MZP) General Headquarters chuan vawiin Ni 5, March 2022 chhun dar 12:00 khan Extended Office Bearer & Adviser meeting a neih a. Phainuam Buarchep rama Assam sorkarin thir lei (Bailey Bridge) a dawh chungchang relin, Meeting hi MZP President Pu Lalnunmawia Pautu-in a kaihruai a ni.
MZP meeting chuan tunhnaiah Mizoram chhung Buarchepah Assam sorkarin lei a rawn dawh chu hriatthiam har a ti hle a. Mizoram leh Assam sorkar thuneitu ten thua inremna siamin helai hmun hi khawih lo tur leh kutthlak lo tura inremna a awm lai leh, Mizoram lam chuan he inremna hi tha taka a zawm laiin hetiang hmalakna a awm hi MZP chuan a dem takzet a ni.
Hemi chungchang enzui hian MZP chuan a tul angin hma a la chhunzawm dawn a. Hetiang thil a thlen nawn loh nana hmala turin MZP chuan sorkar hruaitute a ngen a. A tul angin MZP chuan hma a la zel dawn a ni.
Meeting thurel angin Buarchep leh Bairabi zophai chhehvela ramri chungchang hmalakna hrang hrangte a hmunah kala enfiah turin MZP President Pu Lalnumawia Pautu leh General Secretary Pu Jaocb Lalmuanpuia te an thawkchhuak nghal dawn a ni.
MZP chuan, Mizoram sawrkarin Assam nena inbiakremna zah tak chunga hma thar la lova a awm laia Assam sawrkarin hma a la hi hriatthiam har a ti hle a, a hmunah kalchilhin endik ngei a tum a. A tul anga hmalak a tum a ni.
