Vawiin ni 20th Feb, 2025 Ningani hian W.Phaileng MUP chuan W.Phaileng, Dinthar Community Hall-ah MUP Area Conference an hmanga, he hunah hian bialtu MLA, Pu Lalrintluanga Sailo chuan Khuallian niin a hmanpui.
Khuallian Pu Lalrintluanga Sailo chuan, “Kan Pathian thu in asawi angin, Upa zawkte zahthiam apiang hi mifing an ni ṭhina, Pawlah reng reng Upa zawk te an tellohna hi chu a famkim tawk lo fo ṭhin, Ram rorelna ah pawh Upa zawk leh tawn hriat ngah kan mamawh fo ṭhin, chuvangin kan Upa pawl memberte ‘Politics ah thuk zawkin lo lut rawh u’ kan ti ni lovin, kawng hrang hrangah a dik zawk leh ṭha zawk kan hriat loh ṭhin avangin infinchhuah kan ngai fo’a min thurawn ṭhin rawh u, tiin vawiinah ka sawm duh che u a ni, heng kan rama pawl hrang hrang leh kan ram rorelna sang berah te hian intawnhriat leh hmathlir te hi kan mamawh fo a, thurawn pawh min pek fo kan duh a ni.” tiin a sawi.
Pu Lalrintluanga Sailo chuan, Dampa bial chhungah, ahun chhunga zirna sikulin hma asawn dan te sawiin, Pawl sawmpahnih zirna sikul nei ngai lo bialin tunah chuan Pawl sawmpahnih zirna In panga lai an lo nei ta te pawh lawmawm atih zia sawiin, bial chhunga hmasawnna hrang hrang avanga a lawmthu asawi bawk.
He hun hi Pu Lalliana, Area MUP President in a kaihruaia, Rev.Lalremliana Colney in hunserh hmangin, Area Secretary Pu C.Lalbeiseia’n report a pe a, Area Conference hi vawi 29-na niin W.Phaileng Area ah hian Branch pasarih an awm meka, tunah hian MUP Member 882 an awm mek bawk, Conference hi ruai nen hlim takin an hmang a ni.
