Vawiin ni 16.February, 2024 Zirtawpni hian Mizo Hnam Run ah chhung inkhawm neih a ni a, MNF Adviser, Upa Denghmingthanga chuan thusawiin, Ram leh Hnam tana zalenna sual tura ruat kan ni hi i lawm ang u, keini ang hi Zofate zingah a thlak thei tur an awm tawh lo. Kum 63 chhung Pathianin MNF a hruaina a ka tel ve hi ka lawm hle bawk a ni, a ti.
Denghmingthanga chuan, kan nula hmeltha ten vai an ngaisang tan a zofate hi boral mai turin ka awm a, kum 1961 ah kan hnam leh sakhua humhim turin MNF party hi Pathianin arawn hungchhuak ta a, kha hnam movement kha Pathianin a chhem alh zela, harsatna tam tak karah chu movement chu chhuan tham a ni ta, MNF movement hma khan Vai ngaihsanna a awm nasa tawh hle a, kan hnam hming chu thil thing sawinan hman a ni hman tawh a, βThe Spirit of 1966β a rawn lang a, Mizo kan nihna ti Mizo nawn leh turin Zalenna Movement arawn awm ta, kha kha Zoramthar chu a ni ta a ni. Hnam Movement a intan atang a reilote ah kan Mizo nulate chuan, βmi ramah engtinnge kan hnam hla kan sak theih angβ, an ti ta hial a ni, a ti. A sawiseltute chuan sawisel tur an hmu nasa a, rambuai chuan tah leh lungngaihna keng tel mahse, zalenna leh hlimna hnam movement khan a keng tel a ni, tih hria ang u, a ti.
MNF Adviser chuan, kan thenawm state te han ngaihtuah ila, an chep em em a vawiin ni a Cachar leh Meghalaya te khu en ila, tun hma chuan ‘Scotland of the East’ tih a ni thin mahse, tunah chuan Maruari leh Khasi khawpui a ni tawh. Kan hnam movement alo chhuah atanga Mizote hmasawnna kawng a kairual hi ala awm lo, pulpit tlang atang te pawhin beih tawk thin mah ila, Pathianin thu a thlun puite hi tuma tan an hnawk ngailo, a hun te ah a kaitho leh zel a. MNF anga beih tawk nasa hi an la awm lo reng reng a ni, a ti.
Mizo hnam leh sakhua humhim tura Pathianin a ruat vang hian ramriah pawh MNF hi inches khat pawhin a hnungtawlh duh lo. Hnam Movement kengtu kan nih avangin BJP sorkar kan tawngkawlh phah a, hmasawnna ruahman leh hmachhawp zawng zawng a tlawlh phah bawk a. Raltlan tam tak, BJP sorkarin lo tuamhlawm an phalloh kha kan lo kuangkuah zela, kan tawng kawlh zual suah suah a. Pathianin hnam humhim tura a ruat kan nih avangin, sakhaw hotute pawh a hneh a, Uniform Civil Code leh Biometric te thlengin kan sorkar khan inthliarna awm theia a rin avangin ahnial leh a, kan hnam leh sakhua humhim nan MNF sorkar kha atlak phah a ni, mahse Pathianin sakhua leh hnam himna tura a hmanrua a min hman avangin i lawm ang u, a ti bawk.