18 February, 2025: Vawiin chawhma dar 11:30 khan MZP General Headquarters Extended OB Meeting vawi 670-na chu MZP Pisapui-ah an nei a. Zoram Ni 2025 hman dan tur leh Aizawla Railway hna hrang hrang Exam a nih theih nana MZP hmalakna te an ngaihtuah.
Meeting chuan, kum 1966 a India sawrkarin Jet Fighter hmanga Mizoram hmun hrang hrang a beih champhaphak March ni 5, MZP-in kum 2008 atanga “Zoram Ni” tia a lo hman thin chu hman leh ngei nise a ti a. Ni 5 March, 2025 hian Dawrpui Multipurpose Hall-ah, “Tho la ding ta che” tih thupuia hmangin hun hman nise tiin a rel.
Meeting chuan, Mizoram-ah rêl a lo luh dawn avanga, Railways hnuaia hna hrang hrang awmte zirlaiten awlsam zawka an luh theih nan, Mizoram Governor leh Mizoram MP (Rajya Sabha) hnenah hmala tura an ngenna an thlir nawn a. MZP ngenna avanga railways hnuaia hna hrang hrang awmte Aizawl-ah exam a ni tawh tur hi MZP chuan lawmawm a ti hle a ni.
Meeting chuan, Mizoram Governor General (Dr.) VK Singh leh Pu K. Vanlalvena MP (Rajya Sabha), Parliamentary Committee on Railways member ni bawk ten MZP ngenna ngaipawimawh a, theihtâwp an chhuah avangin an chungah an lawm hle.
Aizawl-ah railways hnuaia hna hrang hrang awmte exam a theih tawh dawn avangin, hna diltu pawh an pun phah niin MZP chuan a hria a. Lawmawm a ti takzet a ni.
