Vawiin (January 9, 2025) khan Mizoeram Presbyterian chuan MSSU Trainers’ Meet 2025 chu J.M. Lloyd Hall, Synod Office-ah an nei a, mi 33 an kal thei a ni.
Trainers’ Meet hi hun hnihah then a ni a, chawhma hun hi Rev. Dr. K. Lallawmzuala, Executive Secretary-in a kaihruai a. Pu Lalhmunzauva Tlau, Asst. Coordinator-in inlawmna hun hmangin, Kum 2025 Puitling Sunday School zirlaibu ziaktu Rev. Dr. L.H. Rawsea’n zirlaibu a ziak dan kalhmang leh hriat tur thil pawimawh tak tak te a sawi a, zawhna leh chhanna hun hman zui a ni.
Chawhnu hun hi Upa Vanlalsawma Siakeng, Synod Secretary-in a kaihruai a. Upa Lalnunsiama Khalthang, Chhinga Veng hnen atangin ‘Naupang, tleirawl leh thalai zinga rawngbawlna chungchang’ zir ho a ni a, sawi hona hun hman zui a ni bawk.
Trainer’s Meet hi rawngbawl tura infuih tharna hun atan hman a ni deuh ber thin a, Puitling Sunday School zirlaibu ziaktu hovin zirlai zir lawkna an nei thin bawk.
