Pollution test turte thla khat chhung hriatthiam an ni dawn

Aizawl August 31 : Motor Vehicle (Amendment) Act, 2019 hman dan tur chungchang ah vawiin khan Transport Minister TJ Lalnuntluanga chuan, Transport Director, Traffic SP leh Mizoram Pollution Control Board Member secretary te a sawipui.
Tun dinhmun ah lirthei pollution test tur te harsatna sutkian nan, pollution test tura bik chu vawiin atanga thla khat, September thla chhung ngaihhnathiam an nih tur thu Transport Minister TJ Lalnuntluanga chuan a sawi.
Chutih lai erawh chuan Pollution Test Certificate nei loa a lirthei duh duh na a tlan erawh a remchan loh thu Transport Minister chuan sawiin, mipuite harsatna sutkianna turin Aizawl a Pollution test na hmun ten hma an sawn a lirthei a tam thei ang ber test zel a nih theina turin hmalak nise tih thu a sawi bawk.
The Motor Vehicles (Amendment) Act, 2019 chu sawrkar thuchhuak anga September ni khat atanga kenkawh tur tih anih atangin motor khu teh tura kal an thahnem thin hle a, heihian lirthei veivak tan harsatna a siam mai bakah motor khu tehtir turten hun leh tha kan seng thlawn nasa ni a a lan avangin nimin tlai khan Mizoram State Pollution control board chuan hemi chungchang a zawm tur thuchhuah a siam a, lirthei khu teh tir tur ten zing dar 6-8 inkarah motor number ziah luh phawt hnu ah a tahtawl te te in mahni hun bi ah lirthei khu test tir tur a tih a ni a, tunah erawh hming ziaklut an tam avangin vawiinah chuan a thar ziah luh a rem rih dawnlo tih Pollution lam hotu te chuan an sawi.