Vawiin May 27, 2022.( Zirtawpni) chhun dar 12 :00 khân PC Party President Pu Lalhmangaiha Sailo leh Mizoram Journalist Associatioan (MJA)-ten Aizawl Press Club, Treasury Square – ah inkawmna hun ṭha tak an hmang ho.
He hunah hian Pu Lalhmangaiha Sailo chuan, Press mite’n ṭha taka lo dawngsawnga inkawmhona hun an lo siam thei chu lawmawm a tih thu sawiin , Ram tâna chanchinbu mite thawhrimna leh inpêkna fakawm a tih thu leh Political Party te nêna inkungkaihna leh thawhhona ṭha neih zêl a duh thute, ram leh mipuite hmakhua ngaia huaisen taka hmâ la zêl tûr leh Press mite zalenna, dikna leh chanvo zah sak a pawimawh thu te a sawi.
PC Party President leh a ṭawiawmtûte lo dawngsawngtu MJA Vice President Pu Lalremsiama pawhin, Chanchinbu mite hamṭhatna kawngah sawrkarin chanchinbu mite angkhata a en a ṭulzia a sawi lang bawk. MJA te hian an inleng PC Party President leh a ṭhiante Press Club Souvenir an lo present bawk.
PC President hi Pu V.LThazova Gen Secy , Pi Lalrinmawii Fanai Women Wing Secretary, Pu Lalṭhuamliana, Secy, Political leh V. Lalzamliani, Media Department ten an tawiawm a ni.
