PC party-in party mi leh sate sawm lo turin duh

PC Party chuan thuchhuah an siamah, “Tunlai a kan Political Campaign auhla ah Pi Meriam Hmar D/o Lalhmingthanga (L) Ex-minister, in a Congress Party Campaign-a an kal kual na vel a Mizoram hmun hrang hrang a PC Party mi leh sa te ram siamtha tur a Congress party a lut tur a a sawm daih mai zel hi kei ni PC Party Southern Hqtrs Lunglei te chuan hriatthiam har kan ti in tun hnu ah hetiang a kan party mi leh sa te lo sawm fo lo tur in kan ngen tak meuh meuh a ni.

“Pi Meriam Hmar hian PC Party policy hi tihhlawhtlin duh tak tak nise chuan Congress Party ah lut lo in PC Party ah a luh ngei kan ring a, mahse hetiang a congress Party a awm chung a PC Party Policy te tihlawh tlin a lo tum hi ropui kan ti in, ti hlawhtling ngei se kan duh a, mahse PC Party Policy te ti hlawhtling thei tur chuan he policy duang tu ngei PC Party bak in a tihhlawhtlin theih kan ringlo bawk. Kum tamtak congress Party kaih hruai in Zoram ah Sorkarna an lo chang tawh a, duh tak tak nise tihhlawhtlin na hun ṭha nei tawh in PC Party Southern Hqtrs Lunglei te chuan kan ngai a,chuti chung a Zoram dinhmun vawiin ni thleng kan thlir chuan an tum tak tak lo tih a lang chiang hle bawk in kan hria a ni.

“Chutih lai a Pi Meriam Hmar in PC Party mipui Zoram hmun hrang hrang a awm te PC Party policy tihhlawhtlin na tur a Congress party zawm tur a a sawm fo mai hi lemchan na mai a ni tih kan hria in, tun hnu ah chuan PC Party mi leh sa te chu hetiang zawng hian sawm tawh lo tur in kan ngen tak meuh a ni.
Congress Party hian Zoram hi siam ṭhat tum na tak tak nei nise hun tha an ngah tawh in PC Party te chuan kan hria a ni.

“Pi Meriam Hmar pawh hian zoram siam ṭhat duh vang a politics luh chilh i nih tak tak chuan Party Politics tuinu hi lo dût ve lo hram tur in kan ngen che a ni.

“PC Party policy ti hlawhtling tur leh mizo mipui zawng zawng te banphak sorkar na siam tur in PC Party chuan zoram mipui te kan sawm a che u,” an ti.