Vawiin May 22, 2023 (Thawhlehni) hian PC Party chuan an office lailawk, Venghlui, Aizawlah Vanlalruata, President kaihhruaiin OB Meeting an nei a, kumin inthlanpui atan Nomination Committee an din.
Meeting kaihhruaitu Vanlalruata chuan kumin inthlanpuiah hian sawrkarna siamtu zingah kan tel ngei kan inring a. Kan president hlui Pu Lalhmangaiha Sailo-in ‘ram ṭhatna duh tak tak, kan policy tihhlawhtlinpui theih turte nen sawrkarna kan siam ang’ a lo tih tawh angin sawrkar siamtu zinga tel ngei kan tum, a ti.
Kumin 2023 inthlanpui atana Nomination Committee an din hian inthlanpuia kan party ticket-a ding turte a rel chho ang.