Vawiin December 2, 2022 ( Zirtawpni) Chhun da r 12:00 hian PC Party President Vanlalruata chuan PC Party Office, Treasury Square ah chanchinbu mite kawmna neiin, awmze nei a khuahkhirhna hnuaiah PC Party chuan Zu ṭha zawrh a ngai an tih thu a sawi.
Vanlalruata chuan, ”Zu hi fak leh sawi mawi chi a ni lo a, khuahkhirh ngai a ni a. Zu chhia phei chu hlauhawm tak a ni a, tih bo ngai a ni,” a ti a.
PC President chuan, ” Mizoramah zu chhia a tam hle niin a lang a.Ṭhalai leh la valai tak tak mu hlum tam tak hi zu chhia an in thu sawi tel a nih deuh zel avangin zu chhia in avanga thi an tam hle niin a lang a. Hei hi ngaihthah chi a ni lo va, rang taka zirchian leh hmalak ngai a ni tih sawiin, Pu Ruata chuan zu chhia tibo tur hian khuahkhirhna felfai leh endikna rintlak zu ṭha siam a ngai a ni,” a ti bawk.
Vanlalruata chuan, “Mizoram hi India rama chhiah hmu tlem ber state kan ni a. Zu chhiah pawh kan hmu tlem hle a, chutihlaiin zu khap bur ang a kan insawi lai hian tun hnai kum 30 chhung hian kum tin zu chhiah kan hmu ziah a. Hetiang hian a vaibelchhe bî a kan zu chhiah hmuh leh hmuh tum dan a ni.
2013-14 ( RE) 250,
2014- 15 ( Actual)270
2015-16 (RE) 39.42.
2016′- 17( Actual).70.68
2017-18( Actual) 64.96
2018- 19( Actual)63.91
2019-20( Actual)2.55
2020 – 21( Actual)0.85
3021-2022( RE)0.70
3022’2023 ( RE)0.79.
Zu chhiah chungchang thu sawi belhin Vanlalruata chuan, ” India sawrkar aṭanga kan pawisa dawnah hian zu chhiah a tel kum tin bawk,” tiin Pu Ruata chuan, ”Kan dinhmun dik tak en in kan ramah hian Dan hnuaiah PC Party chuan Zu ṭha siam leh zawrh a ṭul kan ti takzet a ni,” tih thu uar takin Press mite hmaah a sawi a ni.
