Ni 26.5.2022 khan Mizoram Merchant Association (MIMA) hruaitute chuan Mizorama pawisa nawi Re 1 leh Rs 2,5,10&20 te a van a vanga mipuia thil lei leh hralh kawnga an harsatnate leh Mizorama Rs 10 coins hman leh deposit kawnga harsatna chungchang te SBI Chief Manager, Pu David N Lhouvum hnenah ziakin an thlen a. Inkawmna tha tak an nei zui a, pawisa nawi lama harsatna awm leh Rs 10 coins chungchanga harsatna awmte a theih anga hma lo lak nghal a tum thu dawn a ni a. A chungah MIMA hruaitute an lawm hle a ni.
MIMA chuan, “Coins a van a vanga thil man tihsan leh pawisa nawi kir tur aia thildang kir thin kawnga kan harsatna a kian thuai kan beisei a ni. SBI Chief Manager chuan pawisa nawi(coins) hi SBI main branch lamah a mamawh tan thleng theih a ni a. Chutihrualin bank-in pawisa an pack dan ang zulzui erawh chuan thleng a ngaih ve thu a sawi bawk a. A tul anga pawisa nawia kan harsatna lo bawhzui zel an tum tur thu min hrilh. Coins te hi dawng duh lo awm lovin dawng duh vek ila, kan harsatna a awm dawn loh thu a sawi bawk a. Bank lamin coins deposit an dawn theih thu pawh a lo sawi bawk a ni. A lawmawm takzet a. Kan harsatna te a kian thuai kan beisei a ni,” an ti.
