Vawiin October ni 3, 2022 (Thawhtanni) hian Mizo Hnam Runah chhung inkhawm neih a ni a. Hun hnihnaah Dr.ZR.Thiamsanga MLA, Vice Chairman Health & Family Welfare Board chuan thusawina hun a nei.
Dr.ZR.Thiamsanga MLA chuan, kan ram rawngbawlnaah hian Pathian rawn chung zela kan kal a ngai a, IITimothea 4:5-a kan hmuh angin ‘Nang erawh chu engkimah fimkhur la, hreawm tuar la, chanchintha hriltu lam hna thawk la, i rawngbawlna kha hlen rawh’, tih hi kan thupui ber lo nise a duh thu a sawi.
Health & Family Welfare Board Vice Chairman chuan, “Kan ramri chungchangah pawh a practical-a vei leh thawk tak tak tu chu MNF sorkar hi a ni, a ti a. Kan ram thenawmten kan ei leh bar lakluhna thlengin min hrek an hreh lo a, kan ram budget-ah hian hri dona te, raltlan buaipuina tur te, ramri kawng laihna tur leh kang thelhna turte hi a hranpa in a awm lo, mahse, kan sorkar chuan kan ti thei tlat a ni, hetiang khawpa buaina nasa kan tawk chung pawhin Pathianin kan hruaitute a awmpui tlat a, hmasawnna nise beisei phak bakin a kal reng a, Covid leng chung pawhin Civil Hospital-ah ICU khum 15 kan dah belh a, ZMC-ah pawh khum 60 dah belh a ni thei a ni,” a ti.
Dr.Thiamsanga MLA chuan, Zemabawk Cancer Hospital-ah pawh khawl lian leh changkang tak mai dah a ni tawh a, hei hi channel 24 a ni tawh a, JICA-ho nen Cancer Specility Hospital din mekah thawkho turin engkim peihfel a ni tawh a ni, a ti bawk.
Dr.Thiamsanga chuan, German kan ngaihsan em emah chuan Covid vangin mi 12055 lai mahni intihlum leh eizawnna kalpui thei lo an awm a, Opposition party-ten financial management ah Finance minister hlawhchham angin an sawi a, a hlawhchham lo a, kan ram hi ramdang nena khaikhin phei chuan a titha lawr lak kan ni, a ti.
Dr.Thiamsanga chuan, Healthcare-ah hian Mizoram healthcare system hi kan chian a ngai a, tuna kan healthcare hi kan CM zahawm takin a sualchhuah a ni a, kum 2008-ah khan cheng vbc 117.4 ADB-ah kan dila kan hmu hman ta lo, Cong.sorkarah khan rawn chhuakin, cheng vbc 117.4 leh cheng vaibelchhe 150 corpus kan dah nen an han chalai ta a, kalpui ngaihna an hriat loh avangin an titawp ta ringawt mai a ni, kan sorkar hmasaah khan natna serious bik chauh a bill theih a, MNF kan sorkar hnuah erawh chuan natna zawng zawng bill theihin kan siam ta a, healthcare enrolment pawh a pung nasa em em e, tunah hian cheng vaibelchhe 270 vel hi corpass-ah kan nei a, tuna kan healthcare bill tur hi cheng vaibelchhe 1000 puk phalna min pe tawh a, hetiang ang loan tha mi kan hotuten an hmu thei hi a lawmawm em em a, kan sorkar hian healthcare leiba hi kan ba hlen dawn lova, kan pe ngei ngei dawn a ni, a ti.
Dr.Thiamsanga chuan, India ramah hian Pathian hmachhuan tlattu, ‘Pathian leh kan Ram tan’ titu party hi an awm ve lova, keini chuan Pathian kan rinchhan avangin kan nghet em em a, kan ram leh hnam dinchhuah nan hian MNF party lo chu an awm lo a ni, a ti bawk.
Healh & Family Welfare Board Vice Chairman chuan, kan Chief Minister in nuai 3 kan sem ang a, a ti a ti dik a, mahse, hrileng avangin kan buai em avangin family oriented-in kan tih a ngai ta a, kum tha nise SEDP pawh hi hei aia ropui hian kan kalpui thei a ni, Pathian zarah kan tling leh ang a, hmasawnna hi MNF sorkarah hian a ropui tulh tulh dawn a ni, a ti.
ZR Thiamsanga chuan ZPM party chungchang sawiin, a tak awm mang silovin lawmluh an ching em em a, an sawi aia tlem zel an lawmlut a ni, a ti.
MNF Adviser chuan, party kan intihchak zel a tul thusawiin unit leh block tinte intuaithar a, inthlan leh huna hnehna chang leh ngei turin tan kan lak that zel angai a ni, a ti bawk.
