Vawiin October ni 20, 2022 (Ningani) hian Mizo National Youth Front (MNYF) Extended Meeting chu MNF Thalai Room-ah neih a ni a. MNYF President L.Thangmawia MLA chuan meeting hi a kaihruai a ni.
MNF Headquarters’ Thalai thukhawm chuan Mizo thalai leh zirlaite tan tangkai zawka MNYF-in hma a lak theih dan turte, ram pum huap MNF thalai intawh khawmna Aizawl hmuna buatsaih tum chungchangte leh party tan tangkai zawka MNYF kal chhoh zel dan turte bakah Diamond Jubilee kharna inkhawm neih tur thlir lawkna hunte an hmang a ni.
MNYF President Thangmawia chuan βPolitics hi mipuite tana thawhna tur a ni a, firfiak taka kalpui tur a ni lo. Tunlaiah firfiak taka politics kalpui, ram tana tangkaina awm miah lo, mi mimal nun thlenga rem leh rem lova phuahchawpa rinthu huai taka sawi ching Party an awm thar ta chu a pawi hle a niβ tiin chung mite chuan Pathian kohhran thianghlim thlenga BAWL a, Sorkarna lak mai theih inringin βKohhran hi kan Unitβ te an ti a, mahse chung lam hian mal a la sawm lo zel rih a ni a ti a. Mi dang that lohna tuipui bera neiha mahni lam engmah ni bik chuang si lo te hi ram hmelma an ni a, anmahni pawh han keu han keu ila, UIH lai a awm ve zel a ni, a ti.
L.Thangmawia chuan, Unit din a ngai lo ti tute khan Unit din an tuipui ta viau a, Chakma ram thlengin Unit an din mek zel a. MLA hlawh sang la lo tura Val upa Council-in ziak meuha an hrilh an zawm lova. Motor thar lei phur ber berah an tang a, mi thar lawm luh kan duh ve lo ti tute khan chanchintharah an mithar lawmluh puan loh hlauin an hmanhlel mek a, mi tih ang ti ve zel duh lo anga lan tuma hmai kawr an vuah chu insum zo tawh lovin mi dang aia firfiakin an kalpui chho ta mek a, kalphung thar an zawrh mek laiin kalphung hlui an sawisel ?hin kha nitinin an zawh belh mek zel thung a ni, a ti bawk. Mi dang aia ?ha anga lan tuma mi ?hat lohna tuipui bera neih hi Pathian duh zawng a ni lova, hetiang politics hi MNF Party tan kalpui a rem ve lo a ni, a ti.
βMizoram Chief Minister hial ni thei tura chung lamin hun a pekte nuihza siam nana hmanga, deusawh leh hmusit taka ?awngkam chhe tinrenga vawm duh khawpa rilru chhe pute hnenah Pathianin sawrkarna vawikhat mah a pek ka ring lo a ni. Chu chu nakum 2023 inthlan result-ah pawh a takin kan hmu leh ngei angβ a ti bawk. βHotute duhsaknaa Lengteng biala MLA vawi thum lai ka din ve lai khan ka khingpuite vawikhat mah ka sawisel ve lo tih hi Lengteng bial mipuite’n an hre ngei angβ a ti a, βDawta 2018 inthlan dawna HEL pawl ruaia min puhtute pawh thinlung takin ka ngaidam zawk a niβ a ti. βDuh huna midang fak thiam tak, duh loh huna a chhe thei ang bera sawisel leh thiam nih hi CM nihna tur ni se chuan tu emaw chu vawi tam tak a CM tawh ngei angβ L.Thangmawia chuan a ti bawk.
