Vawiin khan Congress Thalai chuan thuchhuah siamin, “Ni 21.6.2024 chawhma Dar 11:00 khan Chief Minister Pu Lalduhoma chuan Parliamentary Affairs and Minority Affairs Minister Kiren Rijiju chu a office-ah a hmu a, he an inkawmnaah hian Chief Minister chuan Kiren Rijiju chu Parliamentary Affairs Minister a nihna anga Lok Sabha MP Richard Vanlalhmangaiha chu NDA ni lo, INDIA pawh ni lo tana thutna tur lo ngaihtuahsak tur leh House chhunga thusawina hun tam thei ang ber pe tura a ngen thu sorkar thuchhuah ah tarlan a ni a. He ngenna hi Union Minister hian bawhzuisak a lo tiam chu Pu Richard Vanlalhmangaihaβn House-a thutiam a lakah Treasury Bench ho oath taking an laknaa thutiam a lak avangin a thutna lam pawh chiang ta a.
“MP Election laiin Pu Richard Vanlalhmangaiha hian Issue base a zira a kal tur thu a sawi chu dawt a nih zia a lantir a. Pu Lalduhoma pawh hian thutna tur nei sa reng; Zawlpui nei lo (Others) αΉhutnaa αΉhu tur ang te a zuk sawipui hi lemchanna mai a nih zia lantirnaah Congress thalai chuan a ngai a. Pu Lalduhomaβn Zohnahthlak te leh Kristiante nasa taka nghaisatu BJP Mizorama a len theihna tura Step kai dan tur a sawi lawk leh ruahman chu a takin Mizoramin kan hmu chho mek a ni. An thusawi loh ang zela awm ZPM sorkar Mizoramin kan tuar zel tur hi Congress thalai chuan pawi a ti takzet a ni.
“Congress thalai chuan thu tak tak chauh sawi tur leh Mizoram tana ngaihtuahna tak tak seng a, zanah pawh tha tak leh tui taka muhil a, nula zai ni lo, Pathian thu hmanga in awimu turin ZPM sorkar duhsakna a hlan a ni,” tiin an tarlang.