Vawiin khan MPCC chuan Congress Bhavan Golden Hall-ah Devotion leh Political Session an hmang a, he huna thusawitu K. Lalchhuawnawma, General Secy chuan kum 2028 MLA inthlan hunah Pathian leh mipui zarah kan sorkar ngei kan ring a, NLUP hmangin kuthnathawktute leh khawpuia khawsak harsate khaichhuak turin hma kan la ang a ti.
“Zoramthanga kaihhruai MNF sorkar kha dawtsawi leh pawisa zawng ringawta thuneihna hmang suala sorkar kalpuiah Mizoram mipui ten an hmu a, an paih a ni. An sorkar kalpuiah khan cheng nuai 3 sem, NLUP dawng tawh te pawhin cheng nuai 3 an dawng leh vek an an ti a nih kha. Khatihlaia kan president Pu Lal Thanhawla phei chuan ‘tihpalh sorkar’ a ti a nih kha.
“ZPM lo dinchhuaktute hi tute nge an nih? Pi Lalhlimpuii Ballot Box zawn tute kha an ni lawm ni? Brig. Thenphunga Sailo, Pu Laldenga leh Pu Lalduhoma, dawt bawm zawnin mimalin Box bik an nei lo, motor pakhatah an chuangho, khami kal zel kha ZPM hi a ni ni.
Kan CM hrawn mek Pu Lalduhawma hian ni 3 chhunga thlai thar leina dahtu hian sawhthing hi amah an interview-naah a ba in kan lei lovang, kan pe zar zar ang tiin a sawi a. Kan CM hi mau hriak sawr hlawkna tur zia te, nitin mau pum nuai 1 an mamawh tur thute MoU an sign ang a, hna an \an ang an tih kha an ti tawh em?
“ZPM sorkar in hmunphiah Kg ah cheng 100 in kan lei dawn an tia a, an sorkara an lei leh ta si lo va, Kelkang hlimpui laia sawntlung damdawi Kohhran Upa meuhin Vai ek a ti te kha thil \ul lo a ni.
“An sorkar hmaa Pu Duhoma thusawi sawhthing te chu engah nge a market kan hriat loh ang, Sundar Ali-a Bagha pa pawn a lei a, a hralh reng a lawm. Tlangval fel tak pahnih kan ruai ang a, nitin an zui reng ang a, sawhthing hralhna chu kan hre mai dawn a lawm an ti a.
“Sawhthing kan lei ang an tih chu sawhthing market zirchiang lovin, researched based lo in an lei ta a. Sawhthing chingtute an mangang hle mek a ni. ZPM sorkar hian an hmalakna hrim hrim hi Researched Based a in an kalpui lo niin a lang.
“CM in portfolio a nei lo ang tih te, CM in Adviser a nei lo ang tih te, Kohhran duhloh engmah kan ti lo ang tih te, kan sawi seng lo ang. Kuthnathawktutte hian manganna tawk lo se tih hi Congress Party duh dan a ni a. Sawi anga awm lo, ram hruaitute hi kan ramin a mamawh lo.
“October 10, 2010 ah Vanapa Hall ah Pu Duhoma hian NLUP a fakchiam a, Assembly House ah March 9, 2022 ah NLUP a sawichhe leh chiam thung a. Pu Duhoma hian amah interview tute hmaah Cowboy thawnthu a lehlin \hin leh chung te chu eng te nge tiin an zawhna chu Sudden Muanga tiha a chhan te, Lengpui Airport hralh sawi lar chungchangah Runway piah sir ram zau tak hi anhlutna kan tehchhuak vek ang a, an lei ang a, a pawisa te pawh kan thlahlel ve a lawm tia a sawi a, pawisa thlahlel tih hi CM sawi atan a mawi lo.
“Enchhin sorkar hi ram mipuiin a \halo tiin an hnualsuat mek a, ZPM vote tu tam tak mipui hian inthlan leh thuai thuaia ZPM paihthlak an nghakhlel hle. MNF leh ZPM an sorkar laia sum vang avanga khawsak harsa zawkte tan a hrehawm em em a ni,” a ti bawk.
“CongressParty kan insiam\ha mek a, kan presiddent Pu Lal Thanzara’n dawt a sawi ngai lo. Kan Sr. Vice President Pu Lalnunmawia Chuaungo leh kan hotuten mipui bum nan awlsam takin dawt an sawi ve ngai lo.
“Kum 2028 MLA General Election kan hmachhawn hunah Pathian leh mipui zarah kan sorkar ngei kan ring a. NLUP hmangin Kuthnathawktute leh khawpuia khawsak harsa te khaichhuak turin hma kan la mek a ni,” a ti bawk.
