NIT Mizoram Non-Teaching Employee (Regular) te chuan NIT Thuneitute lakah lungawilohna lantir nan vawiin hian a huhoa chawlh lak an tum.
NIT Mizoram hi Ministry of Human Resource Development in kum 2010 ah State 10 tana NIT pakhat ṭheuh a din zinga pakhat a ni a. Kum 2011 aṭang khan Chaltlang, Aizawl ah mimal in luahin function a ni.
NIT Mizoram a thawktu Non-Teaching te chuan NITs Recruitment Rules in a sawi ang a promotion thei tawh tam tak an awm laiin, Ministry aṭanga post sanction a awmloh avang leh an hotu ten an bawhzui ṭhat loh vang niin an ngai a ni. Hetih lai hian zirtirtute erawh chu Recruitment Rules in a sawi ang aia hmaa promotion tam tak an awm tawh niin thu dawn a ni.
Tin, Non-Teaching Officer zingah Room ruahman sak duh loh leh Room chhuhsak tum an awm a, Officer zingah an nihna in a ken tal anga Institute thuneitu ten hnathawh tur pek duh loh ringawt an awm tih thu dawn a ni.
Tun hnaiah Administration a fel fai loh tak em avang hian Ministry of Education, Govt.of India in Mizoram tana NIT min pek hi khar mai an hlauh avangin NIT Mizoram Non Teaching Association chuan Institute hotute vawi tam tak dawrin hma la tura an ngen thu leh awmzia a awm loh avanga thuneitute kar nan naktuk Dt. 18.10.2023 hian leave lak nise ti a an rel angin Non-Teaching Officer & Staff te chuan pisa an kal dawnlo a ni.
