Naupang thih dan chungchang chhui turin FIR thehlut

Tunlai Aizawl-a naute pakhat (Kum 2 leh thla 5) chunga pawi khawihna tleng chungchangah Vanramchhuangi @Ruafela Nu chuan Zonuam Police Station, Aizawlah vawiin khan First Information Report (FIR) a thehlut.
FIR-ah chuan “Tunlai Aizawl-a naute pakhat (Kum 2 leh thla 5) chunga pawi khawihna rapthlak tak thlengah hian naute pa, Hmangaihtluanga of Zonuam Aizawl (accused as offender) leh naute nu, Lalhriatkimi of Zonuam Aizawl (accused as abettor) lo chu rin hlelh ka nei lo a. Tin, he mite nupa hi naute khawih chhetua vantlang pawhin an rin ber an ni bawk,” tiin a tarlang.
Vanramchhuangi chuan, FIR-ah chuan, “He pawikhawihna hian The Protection of Children from Sexual Offences Act 2012 ah Aggravated Penetrative Sexual assault-a amount a, he pawikhawihna hi cognizable offence a nih avangin hetiang offence-ah pawikhawihtu rinhleh an awm a nih chuan ihe loa man (arrest) mai tur a nih laiin, vawiin thlengin tumah man an la ni lo hi hriatthiam a har hle a ni.
“Tin, tunah he naupang chunga pawikhawihna theng, Suo Moto case kal pui mekah Swab sample lak tawh a nih thu leh Forensic lam atanga report ngaihchan mek a nih thute ka lo hria a. Forensic Science Laboratory (FSL) Aizawl-ah hian case hrang hrangah sample tam tak lak niin, hengho hi seniority-a kalpui a ni thin a.
“Tuna pawikhawihna case-hi seniority kal kana hmanhmawh taka hnathawhpui nghal pawh ni se, hetiang Swab sample hi finding nei turin a tlem berah ni 10 vel nghah ngai a ni a. Chuvangin, Swab sample result hi nghah chi niin ka hre lo a. Tin, Case dangah hetiang sample test result nghak kher loin man tulte chu man nghal mai an ni thin tih kan hre theuh a ni. ‘Hetih laia he case rapthlak taka pawikhawihtu ni ngeia ka rin leh vantlang rinhleh kai ber ni bawk, naute nu leh pa, Hmangaihtluanga leh Lalhriatkimi te zalena an la awm cheu hi ground level investigation atan thil pawi tak (serious hampering) thlen thei a nih avangin, an ni nupa hi khung hran vat a tul a. Khawngaih taka a rang thei ang bera man (arrest) nghal turin he FIR hi ka rawn thehlut a ni,” tiin “He pawikhawihna rapthlak tak hi Standard of Procedure (issued by MHA, Govt. of India for investigation of Rape Cases) base-a investigation ti ngei turin ka ngen nghal a che,” a ti bawk.