Nimin Ni 25 January, 2023 (Nilaini) khan Ranglong Youth Association (RYA) buatsaih Ranglong Khawhui Traditional, Cultural & Food Festival vawi 6-na chu Noagang, Joynagar North Tripura-ah hman a ni a. He hun hi Lalnunmawia Pautu, MZP General Headquarters, President chuan khuallian niin a hmanpui a. Ranglong Youth Festival (KHOHUI) ah hian Tripura, Mizoram, Assam leh hmun hrang hrang aαΉangin Ranglong hnam αΉhalai αΉhahnem tak an kalkhawm a ni.
He huna thusawitu khuallian Lalnunmawia Pautu MZP President chuan inpumkhatna chungchang sawiin “Tunhnaiah Zofate chenna hmun Myanmar te, Bangladesh te a buai a. Zofa hmun hrang hrang a mi ten Zofate Jerusalem kan pan khawm mek a. Zofate inpumkhatna MZP in kan aupui αΉhin pawh a takin a thleng αΉan niin kan hria a. Zofate hi eng dinhmunah pawh ding ila kan awmna hmun αΉheuhah rinawm taka awmin, min thlahtute aαΉanga kan chhawm zonunzemawi vawng reng turin ka sawm che u a ni” a ti a.
Lalnunmawia Pautu chuan,” Ranglong hnam kan unaute hi Tripura ah te, Mizoram leh Assam ah te in awm a. Khawi hmunah pawh harsat mangan tawk ula Ranglong hnam kan unaute tan MZP chu a ding reng dawn a. Zofate hi hnam ropui kan nihzia kan lantir zel dawn a ni” a ti bawk.
Pu Lalnunmawia Pautu, MZP President hian Noagong, Synod Mission Compound tlawhin Synod Mission Compound tan βΉ-2000 a hlan bawk.
Khuallian Lalnunmawia Pautu, MZP President hi MZP General Headquarters hruaitute bakah MZP Headquarters, Mamit Secretary Lalkroshlua. MZP Sub-Headquarters, President Alex Lalhruaizela, Mamit District Joint Village Council President, Lalropuia leh Mamit District αΉ¬halai Pawl President, Lalthangmawia ten an αΉawiawm a ni.
